أسعد الله صباحكم\مسائكم..بالخير والمسرات
جيت بداخلي أنسـان .. لا ماهـو بـأي ّ انسـان
وضحكة .. تخفي الظيم ..وقلـم يحكـي معاناتـي
::
أنا ما جيتك أبحث عن ... نجومية / صور/ إعلان
ولا تفرق معي ... تبقـى / وتتناقـل .. عباراتـي
::
أنا لا من حضرت أحضر .. حضور الماءبالطوفان
أدمّر مـن يواجهنـي .... وتبقـى بعـدي آياتـي
::
ومن يوم ٍ كتبت الشعر ... أنا حطيت فـي الحسبـان
كثر ما أرتقي .. وابرز .. أبخسـر مـن صداقاتـي
::
تعب يركض على دربي ... يحضّه فكره العطشـان
وش بْـ تمدي له أنفاسـه... اذا طالـت مسافاتـي
::
مثل ما شاف في عيني ... طموح وهمة ٍ بْـ..ايمـان
مثل ما شفت في عينه... حسد لا جيـت لـه يآتـي ::
يحاول يستفز ّ قصاي ... يشعـل ثـورة العصيـان
ويدري .. لو نظرته بس ... لعبـت فيـه نظراتـي
::
حسب يوم ٍ غلب غيري ... بلعب الزور... والبهتان
بيغلبنـي ... وأطيـح بْيـدّه ... ويكتـب نهاياتـي
::
ترى ما كل طير ٍ ينوكـل لحمـه .... ولـوّه لاان
ولا كل ْ جرّه انكسرت في يـده ... مثـل جرااتـي
::
أنا لا ثارت اعصابي .. ترى الشيطاان .. مو شيطان
وربي تاخذه يدي ... ولا سبحـة ... فَـ..مخبااتـي
::
صحيح متواضع وطيّب ... ولكن .. داخلي بركـان
واذا ثرت ادع ربك يحرسك ... من شـر ّ ثوراتـي
::
ولكن ... بلتزم صمتي .. وسـوّي نفسـي الغلطـان
مادام اللي حكى جاهل ..؟ كلام العقـل فَـ سكااتـي
::
بيقعد ... ينتقد / يكتـب / يحلـل / يفتـح البيبـان
يقول اللي يقوله ... مـا وضعتـه فـي حساباتـي
::
أنا ما نيب ْ مثله راعي هروج وحكـي و ( لبـاان )
أنا لا قلـت كلمـه.... برهنـت يمنـااي كلمااتـي
::
وببقى ملتزم بالصمت .. دام ان الكـلام .. اجنـان
ومنهو .. حيلته كلمـه ..!! تهينـه بسمـة شفاتـي
أتمنى تروق لسموكم الكريم...