[نـــNAــونا]

أنت عشان هي البكر تحسين إنها غير

الأم والأب شعورهم في هاللحظة لا يوصف فرحة وحزن في نفس الوقت

ما أدري ايش أنصحك فيه

لكن صدقيني هي تحس بنفس الشعور للإنتقال لحياة جديدة

أنا مقبلة على الزواج والنفسية لك عليها وكثير أتأثر بكلام الوالده والوالد الله يخليهم لي

في أكثر من موقف يتذكرون الزواج وإني بنتقل لمنزل بعيد عنه يعني ما راح أكون بنفس المدينة حتى أبوي بعد الخطبة قالت له أختي الصغيرة مرره متعلقه فيني تقول له من وين لي نونا قال لا والله يا شادن أنا اللي من وين لي نونا والله أنا الللي ما أدري كيف بفارقها

وهم معتمدين علي كثير يعني أمي أنا اللي قايمه في البيت وخصوصا لما يكون فيه ضيوف ما تحط يدها بشيء والمشكلة إن أختي اللي بعدي صغيره في المتوسط وما عندها إحساس بالمسئولية والشغالة ما يعتمد عليها

وأمي من صغري معودتها ما تدخل المطبخ ولا تحط يدها في شيء عشان كذا انا مررره حزنانه عليها وقاعده اوصي أختي بس ما عندك أحد

وكمان الوالد مع إنه عنده 3 شباب في البيت إلا إنه يعتمد علي أكثر منهم حتى في أمور البناء يستشيرني وكمان في السفر كل شيء أنا مسؤوله عنه

مع إني مو البكر لكن أختي متزوجه قبل 6 سنوات يعني هم يقولون لي مرره بنفقدك لأن أختك لما تزوجت أنت كنت كبيرة وحليتي مكانها أما الحين ما ندري كيف نسوي

الله يصبرني على بعدهم ويسهل أموري ويتمم للغالي البناء وتقر عيني بشوفته في بيته الجديد