مناسبة هذه القصيده بعد ماأراد الرحيل الاخ الاكبر (معيبد بن داثان بن نحيت)من الفوارة وقرر ان يسكن مدينة بريدة والقصيدة تعبر عن نفسها . واليكم القصيدة:
يابيت وين اللي بناك وسكن فيــــــــك****** يـــابـيــت قلــــــي لـيـه راعيك خــــلاك
اللي مضى قلبي يحبك ويغليــــــــــك****** وأظــن مابه بيت مثـلـــك وحــليــــــــاك
حيثن اخويه دايم مجلسه فيـــــــــــك****** من شيمته روس الحـمايـــــل تنصـــاك
يلقاء الوناسه والشحم من دخل فيك****** عقب العناء يـرتــاح باله الـــــيـــاء جـاك
واليوم ماودي عــيــونـي تــراعـيـــــــك****** الله لايـــعــيــدك ولايــعـيـد مـبــنـــــــاك
شديت يامـعـيـبـد ولافـيــه تـشـكـيــك****** قبل الممات فراقنــا الـيـــوم بــرضــــاك
عيني تهـــــل الدمــع زافات تبكيـــــك****** يــــــــوم البــزوره علموني بـفــرقـــــاك
اللي مضى تامر عليّه وانا اوحيـــــــك****** واليوم ما أوحي صوت ولا اشوف روياك
اليوم اشوفك ماتسسمع لطاريــــــك****** والمقــبـلـة كــــود أتـسمـــع إلطريــــاك
ينلاف قلبي يوم اناظــر مـبـانـيــــــــك****** وأشــــوف زوارك تــمـــــر وتـــــــعـــــداك
اسمك مخلد عندنا بإسم راعــيــــــك****** ماتذرف الدمـــعـــة عـلــى الخـد لـولاك
يابيت عقب اليوم والله مــاجــــيــــــك****** يوم انتحاء راعيك عــنــي بــلــيــــــــاك
طول الفراق وطول الايـــام يــرضيـــــك****** يرضيك ياقــــلــــب الــعـناء عن دنايـاك
لاشك ياقلب العناء كيف أعـــزيــــــــك****** عـــن الــــذي ريّــح ضـمـيـره بـفرقـــاك
ياقلب لاتشتكيعلى الناس خـــافـيـك****** عنّز على رب المخاليق شكــــــــــواك
الظرف قاسي والزمان امـتـحــديـــــك****** الله يستر لايحدك على اقــــصـــــــــاك
يالله ياللي كل الارزاق بــيــديــــــــــك****** من باب جودك يالكـــــــريــم اترجــــاك
تفرج لعبدٍ يلتجي لـــك ويـــرجــيـــــك****** آمـيــن يامــديـــر الهبايب والافــــــــلاك
اتمنى ان تنال اعجابكم