ّ~ الحلقه الرابعه والخمسون بعد المائه ~ وقالت : يانور كملي القصة تراك ( حومتي كبودنا ) من كثر مانترجاك !! ولذلك شحنت البطاريه سريعا وعدت لأكمل الحكايهـ 8 8 8 بعد توليف ماسبق أعود للإكمال .. طبعا نسيت ان أقول لكم انه قبل كلمة وقالت ان أختي ينطبق عليها المثل القائل ( جيتك ياعبد المعين تعني لقيتك ياعبدالمعين عاوز تنعان !! ) وقالت : يا اميمتي .. انتي تدرين ان كل شئ بقضاء الله وقدره وكرد فعل طبيعي انه أي شخص يقال له كلمة ( قضاء وقدر ) بيتخيل شئ سيئ وفهمت ماجال في خاطر ( ماي مذر ) فتخيلت على طوول أني مطلقه _ بعيد الشر _ عني وأكملت أختي كلماتها والدنيا هذي حالها , وانتي يايمه تدرين انه لازم الواحد يجيه مايضيق صدره وإلى هنا خلاص أعصاب أمي وصلت فوق الـ(h ) وش عندكن خلصني !!!!!!!!!! يمه ترى ( .. ) حامل بتوأم !! وشو ؟ ادري انفجرت الطبله عند أمي بس وش أسوي ( المعينه أختي ) كسرت قيود الكلمات المناسبه ووضعت الموقف فوق كلمة ( راااااااااافع للضغط ) أمي حمدت الله واسترجعته وجعلت تعزي نفسها وتهذي بسرعه ايه يابنيتي الحمد لله ( هذي منى جابت ثلاثه , وفلانه جابت اثنين , وعلانه جابت عشره ) واريح لك تجيبن اثنين ترتاحين كم سنه وبسرعه استأذنت الوالده حتى تنام والوقت ( عصر !! ) . . . أصبح صباح اليوم الثاني أمي بالمستشفى والحاله / ارتفاع في الضغط وارهاق من قلة النوم حسبي الله على شيطانك ياام ميسون !! طلعت أمي بصحة جيده من المشفى لكن بروح نفسيه سيئه ما ألومها تشوف لها كوره لاصقه بالكرسي ليل ونهار ماتتحرك ومع كذا يزيد وزنها يوميا بصوره غير طبيعه !! . . . . بعد يومين ....... أكملت 6 أشهر ونصف !! حاولت أن اتحرك قليلا ماقدرت وبلا مقدمات ...... جاني الطلق !!(1) وسيدا << بمعنى على طول ألو .. ياابو نوسه احجز لي بأقرب وقت بجي للرياض تراني بولّد الدنيا خربانه ومااقدر اتحرك !! وتكررت الزيارات جيئه وذهابا لدورة المياة ( الله يكرمكم ) ولا حظت أمي الحاله .. وش فيك ؟ ابد مافيه شئ وفجأه رن الجوال !! تابعوا في الحلقه القادمه ــــــــــــــــــــــــــــــــــــــ الحواشي : (1) راجع أقرب عجوز حتى تعرف معنى طلق والمأخوذه من الفعل أطلق , يطلق , جاه الطلق بمعنى قرب موعد الولاده !! خالص مودتي للجميع نور