وفي الغد بدا علاوي يومه كسائر الأيام .اخذ قيلوله بعد الظهر ليرتاح بعد العمل .
وبعد صلاة العشاء فإذا بجوله يرن . شاهد الرقم وإذا هي تتصل به
أنا:نعم خير 
هي :آهلين وش فيك
أنا:ما بي شيء وش تبين أنتِ بعد<<رجعت حالته النفسية
هي:وش صاير قولي<<تصيح
أنا:ما صار شيء بس وش عندك
هي:لا ما عندي شيء بس ليش تكلمني بالأسلوب ليش تغيرت
أنا: وش أسوي الراتب خلص والنفس شانت
هي:أمس طالع الراتب وشلون خلص
أنا:الديون يا بنت الناس ذبحتنا راعي البقالة يطلبنا
والمخبز يطلبنا وراعي الورشة يطلبنا
هي:يا حرام ما عليه يا علاوي كل شيء يهون لو تبي عيوني بعطيك
أنا:وش ابي بعيونك يمال الفضخ لا يباعن ولا يشرن<<ما عنده أسلوب ابد
هي: ههه<<تضحك ضحكه كذبه وتقول يا خف دمك
طالت المكالمة وأصبحت تكلمني يوميا وفي يوم تشجعت وسألتني سؤال من فترة تريد أن تسألني:
هي: علاوي ودي أسالك سؤال وتجاوبني بصدق
أنا:أيه افا عليك وشو بس
هي: وش رأيك بالحب
انا:الحب زين قوة يوسع الصدر
هي: قد جربته
أنا:ههههههه الله يقطع سواليفك وإلا فيه احد ما جربه
هي:صدق علاوي جربته
أنا:ايه افااا عليك وش قالوا لك قروي
هي:طيب احكي لي عن الحب
أنا:الحب له أنواع واشكال
هي:طيب قلي وش أنواعه وش أشكاله تكلم بسرعة<<ما صدقت خبر انه راعي حب
أنا:له عدة أنواع وأنا إذا كنت فاضي استخدمه أو إذا كنت بالطريق مسافر
أو إذا كنت أتابع فلم أو مبارة.
هي:كيف تستخدمه اذا صرت فاضي أو بالسفر
أنا: اصبري يابنت الحلال خلين اذكر لك أنواعه
هي:ايه تكفى بسرعة تحمست معك
أنا:فيه أنواع وكل شخص له نوع من الحب. فانا أحب الحب المحموس أو حب باجة بس
هي:الله يخلف بس<<تقولها بصوت خفيف
أنا:هاه وش تقولين
هي:لا ما أقول شيء . اجل تحب الحب المحموس زين والله أنا مثلك
أنا:صدق بس يعطش صح؟
هي: ايه . علاوي أنا لازم اسكر الحين يا الله باي 
أنا: باي