مشكوووره أختي أتعبني غروري على الموضوع المميز وعلى الاستظافه س1/ هل سبق ان سويت عمليه ؟ اذكرها ؟ أيه نعم سبق إني سويت عملية زايده .. الله لا يعيده ذيك الايام أذكر إنه أوجعن بطني بغيت أموت بسم الله علي ورحت للمستشفى قالوا لازم عمليه قلت وشو عمليه لا والله ترا ما بي إلا العافيه وبطني ما يوجعن ولا شي قالوا ما فيه لازم عمليه قلت ما دام إنه لازم أنا أوريكم والله وأمكع الاسلاك والمغذيات وهج للبيت يوم صار من بكرا غمي علي من الوجع ورجعون للمستشفى ما صحيت إلا والسستر عندي قلت خير وش السالفه قالت أيوووه لازيم سوي أمليه عاد الي جنبي سعوديين يقولون لا تكذب عليك بس تحاليل يقالهم ما يبيون يخوفونن .. والله ويشقون بطني من أوله لأخره حسبي الله عليهم وجلست بالمستشفى مرقد لحالي 5 ايا ما غير أصيح من الكسل حتى أخر يوم قلت طلعون وإلا بهج قالوا أصبر للصبح قلت لا مستحيل عاد طلعون المغرب س2/ موقف محرج او مضحك او محزن حصل لكـ دآخل المستشفى أذكره لنآ .؟! مره من المرات طحت من فوق الدكه بالمزرعه وأنشق بطني شوي بس لا تخافون المهم وأطير للمستشفى قالوا لازم ترقين علشان يشوفون البنكرياس جاه شي وإلا لا يوم جست للصبح ماش ما قدرت أصبر والله وأمكع الاسلاك وأهج يوم وصلت سيارتي أمير يمسكن حارس الامن قال وش الدم الي بإيدك قلت لا ما فيه شي قال هاج أنا أوريدك ويروح ويودين للمدير ويهوشن يقول تحسب الدعوه تسيب عاد رجعت لسريري س3/ تحب تروح للمستشفى أول مآتتعب أو تجلس تتحمل .؟! لا والله ما أحب أروح أبد إلا إذا أنتهيت كلش مقدر أمشي س4/ متى آخر مره زكمت.؟؟!! بالشتاء الي راح س5 / متى آخر مره رحت للمستشفى ؟! يوم زكمت بالشتاء الي راح وحراره وكلش س6/ انت من النوع اللي يحب يسكر المكيف وما يآكل اّيسكريم وما يخاطر ويلبس قصير ولا عادي يعني ؟! لا والله عادي ما اعرف أنام إلا بصوت المكيف حتى بالشتاء أشغله / حريص على صحتكـ أو لا ؟! والله يعني مب ذاك الحرص س7/ تتمنى تسوي عملية تجميل .؟! لا والله فيه أحد مزيون ويبي يسوي عملية تجميل والله أحمد الله واشكره س8/ علاقتكـ مع دكتور الاسنآن ؟ علاقتي بدكتور الاسنان سمن على عسل لاني ما عمري رحت له إلا قليل وفيه واحد بس أدعيله سوا ضرسي الي لاعضيت عليه ينفضن لين راسي يبتريم س9/ هل تمنيت يوم أن تصبح دكتور ..؟! لا والله ما عمري تمني أبداً لاني لو بشوف وحد فيه دم وإلا جرح أبطيح بجمبه ما أتحمل س10/ كلمه لكل مريض .. أقولهم أصبروا ومالكم إلا الاجر إن شاء الله هذا أبتلاء وتكفير ذنوب وأقولهم الله يشفيكم ويكشف ظركم