[فتحـية]

اقتباس:  المشاركة الأصلية كتبت بواسطة سمر العبدالله     والله وبالله وتالله أن من تتزوج (ملتزما ) ستجد السعاده والإستقرار وإحترام الذات وستجد من يصونها ويراعي مشاعرها ويحزن لحزنها ويفرح لفرحها وغير هذا ستجد الإشباع العاطفي والغرائزي وسيكون هذا (الملتزم) تاج ع رأسها .

اقتباس:  المشاركة الأصلية كتبت بواسطة سمر العبدالله     بس مشكلتنا من شياطين الإنس اللي صوروا للبنات إن الحياة الموديرن لاتكون إلا مع (حليق الشنب واللحية ومن لبس الجينز) فهؤلاء مساكين ومنخدعين وبالتالي يعيشون (فراغا دينيا) وتكثر أمراضهم النفسية ويزعجون من حولهم سواء زوجته أو أمه . مأحلى الإلتزام بالدين والزواج من الملتزم .ولاتصدقن يابنات عملاء السفارات اللي يصورون (الملتزم) بأنه متزمت ومتشدد ورافض لكل شيء فيه تطور وحضاره كذلك صوروهم انهم ارهابيين ومن بقايا طالبان والخ الخ من هالكلام المزيف والعاري من الصحة. دعوة جميلة منك أخ عسولي وأنا اضم صوتي لصوتك .اشكرك

أولاً : لاتصيحين تكفين درينا وش وجهة نظرك

ثانياً : مشكلتنا أمثالك الصراحة .. بدايةً سوق الحلوف والأيمان ماشي عندك ..
السلف الصالح من شدة تعظيمهم للحلف كانوا يضربون أبناءهم إذا حلفوا وهم صادقين وش عاد لو حلفوا كاذبين !
الله يحفظك كلامك بالشرق والصحة بالغرب .. السعادة والإستقرار ليست صفة ثابته في الملتزم على حد قولك والأصح قول ( مستقيم ) ..
وليست صفة مفقوده في غير المستقيم .. ولا تقولين هذا شذوذ لأني حفظت اسطوانتك فدوري حجة غيره ، كون هالحجة مبنيه على لاشيء !
من ناحية إن المستقيم فيه احترام الذات وباقي التعبير اللي كتبتيه حق الحزن والفرح
ولاتهون حقت الإشباع العاطفي والغرائزي <== لاتصيرين بس مكشوف عنك الغطاء وتعلمين الأمور الخفية !!!!
ذولي كلهن مالهن دخل لا بلحية ولاغيره تقريبا عائدات للتربية أولاً ولتركيبة الرجل ثانياً ..
وبعدين تعالي ماشاء الله دامك متبعه السنه هل حلق الشنب حرام .. أفتونا مأجورين !
اللي محلق لحيته هذا مرتكب معصية مثله مثل أي معصية وليست كبيرة ، بمعنى اللي مطول لحيته تورع عن المعصية ذي لكن مثله مثل الحليق في باقي المعاصي
يعني اللحية مب واقي ضد المعصية وركزي على مب واقي ... الواقي هو مقدار الإيمان في القلب فقط .. وهذا الظاهر ماتعرفين تحسبينه !!
الشيء الثاني اللي حالق لحيته ولابس جنز لابد يكون فيه فراغ ديني .. برضو أفتونا مأجورين !
والله طالت وشمخت صرتي بعد محلله نفسيه .. مشكلة بعض المطاوعه من الجنسين يبزع بدينه الظاهر سواء كان لحية أو قفازات يبدأ يحس إنه عالم بالقلوب
وإنه أزين واحد ومافيه مثله إلا مطوع زيه... وهذا اللي يخلي بعضهم ثقافته شوي غير قابله للتوسعه .
.
.
.
كل هالكلام مش تنقيص بقدر المطاوعه لأني إن فعلت أنا أنقص من قيمة أهلي أولاً ومجتمعي ثانياً
لكن أنا أتكلم عن فئة _ وأنتي نموذج _ جعلت من المطاوعه ملاك طاهر ومن غيره وحش كاسر ..
تحية لوالدي الذي أحسن تربيتي وقبله على لحيته تلك التي عرفتها دوماً نقيّه ( )
سلملم

سؤال جانبي / لاهنتِ صفات الملتزم عندك ( شكلياً وداخلياً ) وش هي ؟!