[align=right] والله ياقلبي إن علي اختبار وهاده الملزمة وقاعدة أقرآ أنا حسيت بالحرة .. بالقهر .. شلون انتوا ياللي تعيشون الموقف الله يكون بعونكم يآآآآرب وينصركم !! أف من هالرجاجيل .. يتغير لون الشمس ماتغيروا أعوذ بالله ! شي مب طبيعي أبدًا !! طيب يحشمها عالأقل عشان العشرة ! عشان عياله ! عشان صبرها !! لاحول ولاقوة إلا بالله ! وبعد عمري هي تراها صابره عشانكم جعل والدينا بأعلى عليين يارب حسبي الله على الظالم ، حسبي الله ونعم الوكيل .. ايما ياقلبي أرجوك ذكريها بالله .. ذكريها بجزاء الصبر .. أوقفوا معها .. إن يأست من الدنيا ذكروها بالآخرة .. وحاولوا تصلحون الوضع .. أي أحد يتدخل .. من أخوانك من خوالك .. بعد عمري الضعيفة توصل بها المواصيل لهالدرجة !! وأبوك الله يهديه ويصلحه أشكاله كثييييييييير في هالمجتمع وش تسوين بعد ياقلبي .. إذا صاروا فاهمين القوامة بهالشكل هالارهابين جعلهم يتمنون الموت ولايحصلونه ذكروه بالله وفسروا له الآية (يوم يفر المرء من اخيه وامه وابيه وصاحبته وبنيه) أقرب الناس له يفر منهم ، لأن المرء بالعادة يظلمهم .. أيضًا قوله تعالى : (وأخذن منكم ميثاقًا غليظًا ) وش بيقول إن سأله الله عن ميثاقه ؟!! ذكروه بقول الرسول صلى الله عليه وسلم (اللهم اني أحرج حق الضعيفين, اليتيم والمرأه) وخيركم خيركم لأهله !! والشواهد كثيرة لعل فيه بقايا دين ولو أن الإنسانية انعدمت !! ووالله لو انه مب ابوك كان قلت ادعوا عليه ، لأن دعوة المظلوم مستجابة بس ادعوله ان الله يهديه ويسخره لكم ولأمك خصوصًا المهم ياحياتي أوقفوا مع أمك أرجوووووك .. والله العظيم إن الوقفة المعنوية لها مفعول السحر .. والروح إذا ارتاحت ارتاح الجسد .. واذكرك بشئ ياروحي-غصب عني أقوله- تراه مهما كان يبقى أبوكم وله حق البر .. لأجل الله سبحانه وليس لأجله .. وحاولوا تعالجونه إذا صار مريض نفسي حسبي الله ونعم الوكيل والله تخيلت أمي حبيبتي قلبي-اسم الله عليها- بمكان أمك-آآآآآلله يعوضها بخير الدنيا والآخرة- .. ياجعل هموم الدنيا كلها فينا ولاتجي والدينا دقيقة كدر يارب .. الله يصبر أمك الحبيبة ويقويها ويكببببببر حظها .. وعين الله ماتنام وبعد عمري إنتي يا ايما أصبري ياقلبي وهذا حال الدنيا .. وماشاء الله على احساسك العالي بأمك .. الله يرضى عليك ويصبرك وشدة وتزول يارب .. وتشكرين يا ايما إنك ذكرتينا بنعمة الوالدين والتفاهم اللي عايشينه أهلنا الله لايغير علينا هالنعمة ويعوضكم .. وصدقيني (كلن عنده هم واللي يختلف نوعية الهموم بس ) الله يحلي أيامكم جميعًا بالطاعة والرضا .. لك دعواااااتي يالغالية .. وعد أدعيلك بآخر الليل .. وهذا مقدوري [/align]