[الذاهبة]

أخي الكريم // المنتصر بالله ..

بلا .. أنت شجاع وفيك الخير و البركة

والله ينفع بك أمتك ..

بس ياليت ما تخاطر المرة الجاية ،، و تجرب أساليب الشجاعة الثانية ..

أشكر تفاعلك ..

________________________________

استاذي الفاضل الكريم // ماجد الأول

بصراحة ردك و كلماتك أقل وطئة على نفسي من كلمة ( رخيصة ) التي صدرت من أحد الأخوة ..

أقدر لك إحترامك و أدبك و حياءك .. الله يحفظك و يخليك لأهلك ..

بسألك سؤال :
فرضا طلعت تعرف الاخ المذكور بالخبر ،، و معرفة شخصية ،، تمام ؟؟ و رحت له و قلت له ترى فيه عضوة عندنا تقول // بلغوه إعجابي ..

طيب ؟؟ و بعدين ؟؟

يعني ترى ما نزلت اسمي الصريح ولا رقم هاتفي ولا عرضت صورتي ..

أنا مجرد ( قلم ) يكتب و يعبر عن رأيه ..

و بالمناسبة //

بنات ديرتي ( بريدة ) ما تقارن بأي بنات بالكون كله ..
و بنات بريدة أشد حياء من العذارى في خدورهن ..

فخر لي مشاركتك يا ماجد الأول
****************************

كلمات موجهة لجميع القراء الاعزاء //

تعرفون من أهم وسائل الدعاية و الجذب ،، استخدام ( عناوين ) رنانة ،، يعني أرجوكم كبروا عقولكم ،، ولا تفسرون كل كلمة زي ما تقرونها .. هذا مجرد عنوان لموضوعي و بعضكم الله يهديه من النوع اللي يصدق العناوين .. و على باله أنا أسوق أو أنادي ( لروحي ) !! بينما انا أناديكم لموضوعي ..

و أعتقد كلكم تعرفون قصة الاميرة اللي كانت تتشرط زوج المستقبل و كانت تقول أبي كذا و كذا .. و بغض النظر هذه قصة حقيقية أو أسطورة ،، يكفي أننا كبرنا عليها و فرحنا فيها ..

حتى جداتنا و أمهاتنا كانت تفتخر بشجاعة رجالهم ،، و بعضهن كانت تنظم القصيد فيهم ..

( (( و بعض الحالات كان فيه حب ،، بس ترى حب طاهر ، و عذري )))

***************************
نعلم أن لكل منا وجهة نظر و رأي مختلف ،، لكن

يكفيني و بكل فخر مشاركة و تأييد أعضاء و مشرفين أنا أعتز و أتشرف بهم ..


و بعدين يا أخوتي وينكم عن اللي تلزق و تحتك و تميلح بالمشرفين و الاعضاء و أي اسم ( ذكوري ) يمر عليها ؟؟؟؟؟

علموها الإحترام .. و الله شاطرين حيلكم علينا حنا الضعيفات ..اللي نمشي جنب الحيط !!