النساء
النساء روح المسا والليل لو فكر بيات .. كان مافيه أغنيات .. وكان ماله ذكريات
..... وكان ما فينا عظيم وما لأمانينا حليف .. وما بنا قلب وليف .. ولا لنا قصد شريف
النساء نصف الحياة إلا النساء كل الحياة .. آه يا اسرار الخوات .. آه يا احلام البنات
..... آه يا الطيش الطفولي آه يا الحزن الشفيف آه يا العشق العفيف آه يا الجنس اللطيف
علمن حتى المرايا والشبابيك اللغات .. والرسايل والدواة .. صارت اعذب مفردات
..... كم بكن وانكف مبصر وضحكن وابصر كفيف وارمشن واهتز سيف وهمسن وامتد ريف
كم غدن لأخونهن عزوة صناديدعصاة .. بين صفق المرهفات .. وبين ضبح العاديات
..... طاحت اشناب وكراسي وانطلق دمع ونزيف واعتلى الخف المنيف والمقابر تستضيف
النساء ضلع عوج لولاه كل العدل مات .. مالهن عنا فوات .. ولا لنا عنهن غناة
..... تبرق الدنيا على يديهن ويغرينا القنيف .. نطمع بتكريم ضيف .. ونوقف بيوم عصيف
النساء موج على بحره منايا وامنيات .. والنساء مركب نجاة .. نسال الله الثبات
..... هن لباس وهن فراش وهن رغيف ان فتك جوع مخيف وان حدا الرجال حيف
النساء حتى شراب الجنة العذب الفرات .. تحت ماطى الامهات .. يالهن من مكرمات
..... كل ما عود من الكد اقبل ابن ادم ضعيف .. له روى البيبان طيف .. مثل نسناس المصيف
في بلادي يحسبون ان النساء متخلفات .. في المساء مستوطنات .. وفي الضحى مستعمرات
..... مادروا عن هالبيارق شمخ العرض النظيف .. فزعة الدين الحنيف .. شجرة العز الكثيف
غادة وسجادة وكفين وحجاب وصلاة .. من صبايا محصنات .. من عروق طيبات
..... اطهر من الفين منظر كلها فتنه وزيف .. في رجا الصبح الكسيف .. واجرة الليل السخيف
كم مكان يعرض اعراض آنسات وسيدات .. والهوى له بايعات .. والغلاف وله فتاة
..... والحسن تشبرعنق وطول وخصر نحيف .. وشي ما ينشاف شيف .. لأجل الأول والوصيف
شهب تشابه رسوم رسوم الشاشة المتحركات .. ما لزمتهن طراة .. ولا لهن ملح وحلاة
..... لا ربيع فيه خير ولابه إلابروق صيف .. والشتاء ما به رفيف .. يحيي اوراق الخريف
لي مناحل لي خلايا كلها سكر نبات .. لي حصون ناعمات لي غصون شامخات
..... لي قوارير ملاها العقل والدم الخفيف .. خلفها العمر الكليف .. ودونها الحد الرهيف
يا زمن وش جاب حلوى غلفوها بالعباة .. جنب حلوى للمشاة .. وللغبار والشتات
..... شف بدل ماهي لواحد صارت لجمع لفيف . كيف ؟ انا اخبرك كيف شوفها فوق الرصيف
مالقينا الا هالقصيده لبو عبدالله الجايات احلى
تشاااااااااو