هلا والله
واوك يا شين يوم الزواج
روعه ولخبطه وحالتك حالة
انا اذكر يوم اتزوج
العصر مقفل على نفسي باب الغرفة
وامي وابوي يطقون علي يالله اطلع وتجهز لا تفشلنا
ويوم صار مسيان وافتح الباب واطلع ويشيلن اخوي ويودين لمغسلة سيارات عشان غسيل بستم كامل مع الديزل
والمغرب للحلاق ويسون لي تحسينات شذب وقص
وعقب العشاء اجي للبيت فيه الاجتماع وانا اتنافض ويوم جت ساعة الصفر مشوا الجنب
ومير تصبصب عرق وصارت ريحتي شينه لو يشمه حمار كان مات
ونوصل للقصر وينزلون الناس وانا منطق بالسيارة وابوي انزل يابن الحلال وانا اقول لا
ويجون اخواني ويجرجرونن ويسحبونن من السيارة وانا متعنقط بالباب يديني بالباب ورجولي يسحبونها اخواني تقل واحد يبي ينزل لساحة قصاص
وبالاخير نزلت وانا اتراجد واجلس بالصالة ويسلمون علي الضيوف
وعاد دخلوا يتعشون وانا دخلت معهم قال ابو العريسه تعال وين تبي رح تعش مع زوجتك
قلت يا خال ما ودكم نهون عن الزواج قال مهبول انت
ويدخلونن على البنت ومير اغطي وجهي يوم شفته لاني استحي من الحريم
اجي اقعد بالارض المشكله حاطين لي كرسي بجنب البنت
بس عيب انا مربينن اهلي على الاخلاق الحميده واللي هي اذا صار فيه بنت غريبه ما اجلس بجنبه
وتجي ام العريسه تقول قم بذا يالدلخ قلت عيب يا خاله ما يجوز قالت هذا زوجتك وانا اقول لا
وتجي امي تساحرن وتحاول بي ويمين ويسار واقوم بقعد بالكرسي اللي بجنب العريسه ومن الروعه جلست بحجره
ومير يغمى عليه من ريحة الصنان والعرق خخخخخ
وبالحلقه القادمه نكمل لكم المسلسل
تحياتي