[سكر الأرض]

أولاً :



ايميل الحبيب السري .."



قسم بالله هالإيميل طلع من خشمي

وش هالإختراع او المنطق العجيييب اللي يبين حبيبك السري ..؟



والمشكلة ان فيه من يصدق ويعير للموضوع اهتمام .!







ثآنيآ :



ايميل ترى برب كلمة’ تغضب الله



كلنا عارفين أن برب =بي رايت باك

( be right back )

واختصارها = BRB



وش دخلها في " قل اعوذ برب الفلق " ..؟

المعنى يختلف إختلاف تآآآآآآآآم ، ،



وإلآ اللي حآطين بإعتقادكم بس نشوف هالآية بنقول ايييييه والله شكله صدق ..!



مافيه اي فتوى صحيحة تثبت هالكلام الفاضي ،






ثآلثآ :



ايميلات تحوي لا تدعها تقف بجهازك أنشر تؤجر





كلنا نبي الأجر .. والدال على الخير كفاعله

لكن اذا ماكنتوا انتم اللي مسوين الايميل

ومو متأكدين من المصادر .. لا تنشرونها

للأسف كثير من الأحاديث تكون ضعيفه وبعضها غير موضوعه أصلا

هذا غيرالاقوال والأدعيه اللي تطلع بدعه مالها اي اساس من الصحه

وحنا ننشرها عن حسن نيه

والله العالم بنية اللي يسويها





الإيميل الأخير



[ اسألك بالله ترسلها لكل اللي عندك ]

[ امآنة برقبتك ترسلها لـ20 شخص ]

وصلت هذه الرساله لطيار بحري وأهملها ومدري ايش صار في قرعته ..

وصلت هذه الرساله لطالب وأهملها فرسب

وصلت هذه الرساله لكناس فأهملها فصار الشارع مليان زباله ههههههه

حلم شخص بالنبي صلى الله عليه وسلم يحثه على النشر

ان لم تنشرها سيحدث لك الليلة حدث سيحزنك ،

وان نشرتها لـ15 شخص ستسمع غداً بخبر يسعدك



ومن هذا الكلام اللي ما يودي ولا يجيب وكله إستخفاف بعقل القارئ

وأحلى شي اللي يقولك : والله العظيم سوف أرسل هذه الرساله

لكل من عندي < - - خلاص إنت حلفت لازم ترسلها



لعب بزران هو .!!












وسلآمتكم ،

نلتقي في إيميلات غثيثة أُخرى