[الزنون]

ذولي حريم الوقت مالهم بالطبخ

مغير قرق في قرق

لكن فعل ما كو

ايه الله يخليك لي يا امي مزنه يا بنت عميانه

عجوز وما شاء الله عليه تنفخ وتطبخ وتغسل وتكنس وما هنا شي الا تسويه

مطازيز مرقوق جريش نثريه لا وفوق ذلك تعرف تشوي عليها شوي بسم الله ما شاء الله خبركم خوالها من الشام وعمومتها من تكساس ياحظ ابوي فيها

اما بنات الوقت الله يخلف تبيهم يبلعون خذ بلع تبيهم يقرقون لين ينفضخ راسك خذ قرق

عاد تصدقون اذا جت الاجازة وخواتي وحريم اخواني اجتمعوا بالاستراحة ما اجي عندهم الا ومعي كراتين بندول

المشكلة لو ما اجي عندهم اخوو راسي بالاتصالات وينك تعال سولف معنا الا والله ان تجي

واخرتها يفضخون راسي لا والبزارين فوق راسي

انا ودي ادري وشلون يقرقون وصجت البزارين عندهم وشلون يركزون بالسواليف

اما تبي طبخ او عشاء يالله يالله يعرفون يطبخون اندومي وبيض مسلوق والا الشكشوكة ما يعرفون لها لان معاميلها كثيره طماط وبصل وملح وبهارات

الا ليت البرسوبس يثمر يوماً
لا ارى ما هو ثمره فاعذره
ماله دخل

تحياتي لكم