[عـبدالله بـريدة]

اقتباس:  المشاركة الأصلية كتبت بواسطة الست مطفوووقة     [align=center]مادري انا بالمحل الصح أولا ..[/align][align=center] من اليوم اطامر بالاقسام ادور محلن مناسب لموضوعي وافتر راسي .. بس ان شاءالله انه ذا ... السادة المشرفين لاطرالكم تشوتونن انا وموضوعي لقسمن ثاني بشويش تراي كومة عظيمات ماهنا شين ياقي .. المووووهييم جاني هالايميل وفطست ضحك وقلت مش حافطس لحالي لازم القماااعه تفطس معايا .. << ام النذاله مذكرات عانس واختها النااافس .. هي المفروض تصير النفسى بس لزوم السجع الله لايكلف علينا تقل محلوفن علي لازن تصير مواضيعي مسجوووعه . إذا كان جوابك على السؤال الأول [ نعم ] فـ بإمكانك الإسترسال في قراءة الأسئلة تباعاً >>> تبطون عظم مع الأسلوب 1- هل أنتِ تعيشين في وسط عائلتك ؟ 2- هل أنتِ موظفة أو طالبة ؟ 3-هل لديكِ أخوات متزوجات ؟ 4- هل أخواتكِ مكاين تفريخ ؟ 5- هل حصل في يوم من الأيام وعدت من الدوام تعبانة وتافلـتن العافيه وراسك يرقل من قلّ بركه لـ تتفاجئي بأصوات ضجيج صادره من بيتكم تصل إلى مسامعكِ قبل أن توطوطي عتبة الباب ؟ 6- هل حصل ودرعمتِ لبيتكم لـ تستقبلك رائحة الحلبه المنتشره في كل دعاسيق البيت في الداخل ؟ 7 -هل استيقظت مذعورتاً من نومك الهادئ ذات ليلة على زعاق بزر توهـ لحمه حمرا مابعد تعلم وشلون يصيح بإحترام ؟ 8 - هل زد رأيت تجمهراً أمام باب حمام بيتكم - الله يعزكم - ويوم قربتي شوي كودك تشوفي وش السالفه وبالطق والطقاق دخلتِ راسك من بين حشود المتجمهرين ولاها أمك واختكِ ماسكين نفس قطعة اللحمة الآنفة الذكر وجالسين يسبحونها ؟ 9- هل سبق أن رجعتـي من الدوام لتجدين بيتكم مزدحم بالزوار تسنه بندة ليلة رمضان ومن لمحت أمتس طرف خشتس مدت لتس الدله بدون تفاهم وقالت قهوي العالم ؟ إن كانت أغلب اجوبة القارئــه الكريمـه بـ نعم .. فـ مبروك في بيتكم نفاس : : ...[/align]

والله يام الحبايب يالست مطفوقه انا قريت الى هنا وابرجع اكمل

وناسه اذا صارت ريحة البيت حلب أستانس عند مولود اسعمبود ودك بس اتمطخـه مع خشيشته لمين تمل

و الصراحه انا استانس على صجة البزران وعاااادي قوه عندي بشكل مهب طبيعي خاصتن بزران خواتي وبـزراني اخوتي عادي جدا اذا جو عندنا وانا جالس على الكمبيوتر كلهم يجي عددهم 11 كلهم واقفين على راسي صجه بس عادي منسجم بالكتب والقراءه وزود على هذا يصير اصغرهم جالس بحجري وماغير ينغز معي وبتله يضغط انتر يبلشنا مع العالم


لي رجعــه ابكمــل وادري اني ملقوف الموضع خاص للبنات بس عجزت اصبر

تقبل مروري شكرا