السلام عليكم
حياك الباري اخي السكب
اولا الف شكر على نقل اليوميات
بصراحة قمة المتعة
لكن ليتك خليتها اجزاء كل يومين تضيف يومية وحده عشان نركز ونقراها زين
بس مع انها كثيرة جدا لكن ما تركت حرف
بصراحة اسلوبها رهيب لها مستقبل جيد
نجي عاد لصاحبة المذكرات ليسمح لي الجميع بقعد ادردش معها شوي لانها اثارت قضايا اجتماعية وتربويه هامة جدا في كل جزء
بس بناقشها بالتقسيط عشان ما تملون مني
هلا اختي ريم لونس شلون من عز عليس
والله نورتي المنتدى مذكراتك تكتب بماء الذهب مع ان اسلوبك بسيط بس واجهتينا بأخطائنا من غير ما تزعلين احد
أنا مهمومه مره أحس إن فيه شي أنا ماسويته الازم أسويه يعني لما اشوف غلط أحس إن علي واجب لازم اغيره ودي أصلح الكون
هذي وانا اختك ما راح تنتهي من حياتك لو تركتيها فترة ترجعين ودك تصححين كل شيء تشوفينه غلط
<<< زي هذي ما تتوب مهما صار تبي تصلح الكون
. مشكله شبابنا إنهم مقسو مين نصفين شباب ملتزمين وشباب (غير ذلك) تزعجني هالتقسيمه .............
هذي العبارة ما تخرج من اي انسان
هذي من انسان فاهم
فعلا اختي منين لنا هالتقسيمة اللي ما عرفت لا في عهد الرسول ولا صحابته الكرام
كأن الجنة حصر على فئة وعوائل معينة استغفر الله
يقول أنا أبيك بشي أكيد عنده أسئله عبودي ذا مذيني أذا 24ساعه أسئله منهي أمريكا ؟ وشي إسرائيل ؟ الله ليه مايذبحهم
ممتاز جدا نعود اطفالنا على حمل هم الأمة
كم عبودي بيننا يا ترا؟؟اعتقد يعدون على الأصابع
اسامه أمي خايفه عليه بس ماتدري وشلون تعبر عن هالخوف الا بالصراخ هو يحسبها إنها تعانده يعني الطريق للتفاهم مسدود على العموم كل العيال اللي قدر الله عليهم وإنتموا إلى العائله لازم يضطهدون باسم الحب والخوف عليهم عشان كذا نشأت نفوس (مشوهه) مايدرون وش يبون
اختي ريم لو املك صلاحية كنت عطيتك ماجستير تربوي
لا لا دكتوراة
عرفتي مكامن الخلل عندنا
تلقين المراهقين خاصة يداخلهم الشك انهم موب عيالنا من كثر الارهاب اللي يواجهون من هواش وعصبية وهو كله تعبير عن الحب والخوف عليهم
أبوي على قولة كتاب المطالعه يأتي لنا بالرزق هو ما قصر التقصير مني انا ماأعرف له ابد فعلاً عندنا خلل مانعرف فن التعبير عن المشاعر يالله مع السلامه أسمع صراخ أبوي
تدرين ليه يصارخ ؟؟
لأن طفولته ومرحلة شبابة كان يصارخون عليه اهله تعبير عن خوفهم وحبهم له زي شغل امك مع سمسومه فعاش ان التربية هي الشدة
عموما الله يخلي لك الجميع
عاد برجع اكمل معك بس شوي شوي
لأن مذكراتك لحالهم تبي اشتراك مية ساعة وياله يكفي
لك كل الحب
مع اطيب تحية للسكب ناقل المذكرات ولك