[DeWDrOp]

الحين نبدا بتلوين الأجزاء الثانية .. مثل الشعر مثلا .. وهو أصعب جزء وبتلاحظ إنك بتغلط فيه كثير ..

لأن يحتاج منك كل شوي تغير الفرشاة ( Brush ) وكثافتها .. عشان ما تطلع برى خصلات الشعر ..

لونها بدقة وحاولت تستوحي لها لون قريب من لون الصورة الأصلية .. يعني لو لاحظنا الصورة الأصلية الشعر فيهاغامق ..

معناتها إنو من تدرجات البني وفوق .. بس لو كان فاتح مرة .. فإنه ميال للأشقر ونفس الشي في إختيار لون طبقة الجلد ..

لو تلاحظون .. فيه بعض المناطق يكون فيها مبخوخ في الخلفية لون الشعر البني الأحمر ..

بكثافة عالية .. هذا عشان أضمن إن الخلفية ما راح تتخربط مع لون الشعر ..

وبرضوه في مناطق شبه ممسوحة بالأبيض الحاد .. فوق على اليمين وتحت على اليمين ..

وهذا لأني سويته من قبل بفرشاة كثافتها عالية وبعدين شفت كيف راح تكون في النهاية ..

وعرفت إنها بتطلع الألوان برى الشعر .. بخففتها على ضوء كيف راح يكون شكلها في نهاية العمل ..

ولو تلاحظون بعض .. إني حافظت على التجعيدات اللي في الشعر .. بتلاحظون إن فيه خطوط أفقية لونها أثقل ..

وهذا لأني إستخدمت أداة الحرق اللي أشرت عليها من شوي ( Burn tool ) في الحرق بشكل أفقي مكان التجعيدات ..

يتبع