صديت عني ولا كني على بالكـ
وانا ادري انك تبيلك واحدن ثاني
جرحت قلبي وخليتك على فالك
ما ودي اصارحك وابين احزاني
شكتلك عيوني عنادك وغربالك
نيابتن عن شعور القلب ولساني
شكيت لك وانت دايم شايفن حالك
ما تدري ان التواضع موقف انساني
غريبه اشكي عليك الحال والجا لك
وانت السبب في عذاب القلب والجاني
والاغرب على كثر ما احبك لحالك
ما عمري اتذكر ان الحب بكاني
اموت بك واعشقك واعيش لوصالك
واهديلك فوق المحبه قلب مجاني
اعطيك الاشواق وتبادلني اهمالك
مفروض تهتم وتضحي على شاني
اسالك بالله ليه الهجر يحلالك
ليه الحلا فيك ياخذ طابعن ثاني
صديت عني ولا كني على بالكـ
وانا ادري انك تبيلك واحدن ثاني
جرحت قلبي وخليتك على فالك
ما ودي اصارحك وابين احزاني