[نـــNAــونا]

لا والله الحمد لله ما عندنا مثل هالقرار

الناس هي السبب هالمباهاة اللي ما لها داعي ليش

يعني الشيء المعقول

صاله 7 الاف مع تكاليف الحلا والذبايح يعني يكلف 15 أو حولها ونفرح بعيالنا

أحسن من يجي الولد ويأخذ البنت بلا طعم كأنه ناطلها

صحيح إن الحريم ما يعجبهن العجب لكن إذا العائله راعت المعقول وبعدت عن البهرجه اللي مالها داعي

أعرف ناس ساكنين ببيت شعبي وزواج ولدهم كان بقاعة السلام وميز وغير الحلا يعني كلف عليهم كثير

كله لزوم البهرجه اللي مالها داعي والمشكله الناس تعرف حالتهم ومستواهم المادي ليش يكلفون أنفسهن ديون وغثا عشان الناس اللي ما يملي عينهم غير التراب

وهذا غير الحريم والفساتين اللي بالآلاف يعني شيء معقول أنا أفصل بــ 600 وقلبي يعورني ما يسوي قطعة قماش هالسعر

هذا رأيي للوضع الحالي

( ومن ناحية ثانيه أنا مع إن الزواج يكون شيء مبسط بلا تكاليف بإستراحه وعائلي لكن هالشيء ما نقدر نسويه ما دامت الغالبيه يحطون زوجاتهم بصالات وغير الدف والحلا يعني إذا صار هالشيء هو سمة الجماعه لا مانع من إتباعه برحابة صدر )

وهذا رأيي للمستقبل