الساعة الثانية فجرا
اليـــــــــــــــوم انا سعيدة بلا سبب
ولربما سعادتي شيء يشبه الجنون!!
والدتي اتصلت مساء الأمس اشتاقت الي حادثتني وكان صوتها يدفئني!!!
فاجأتني بانها تذكرتني !!!!
كم كان امس يوما جميلآ
اشعر بأن السعادة شي دافئ يغدقني بصقيع عواطفي الطفولية
لا واني لامست شغفها قلت لها ماما انا بقولك شي
قالت ياهلا بك واشيائك قولي اسمعك
قلت وانا ابكي من شدة سعادتي بها
احبـــــــــــــــــــــــــــــــك ماما
اتدرون ماذا حصل بها
صمتت وهي تضحك بخجل
واحبيت ان أغدق عليها بالكلام والمشاكسات
قلت لها الله ام عبودي تستحي
والا اقول كككلش عبودي حبيب امه
ضحكت واصرت انها تحبني واننا متساويان!!!
شعرت بالغيرة وقلت لها
اذا صدق تحبيني خلي الناس تدعيك باام هداوي مو ام عبودي
لا ولا اسمع الا عبودي طالعلي بالخط لاوالله!!
شوي وارمي الجوال ماعندي وقت !!
عبدالله اخوي من ماما اصغر بااربع سنوات ولنعم الرجل
تربية جدو الله يرحمه
ماتتخيلون وش كثر مرجلته ماشاء الله عليه وفوق هذا صديقي الصدوق
طبعا سولفت مع عبودي نص ساعة وسكر
وانا مو طايرة من الفرحة وبس الا مقلعه وبقووه
عبودي يحبني حيل ومتعلق فيني
لدرجة ان دحوم الي اصغر منه دوم يقتنص الفرص بمهاتفتي عشان بس يقهر عبودي!!!
عبودي ألحين يدرس بثاني علمي
وهو راس مال ماما وراس مالي انا
بكثر مااعتقدت ان البعد يفرقنا بكثر مأثبتلي ان الدنيا بحالها ماتقدر تفرق اخوين بهالدنيا
طلبت منه يترك النت عشان مستقبله
وهو مدمن نت
تركه وعاهدني انه مايفتحه
وكذلك دحومي الزاحف!!
عبودي احبه بجنون اخو روح مو بس اخو من ام
حواراتنا الهاتفيه ناجحه
وكلآ منا يفتدي الاخر!!
احيانا يزورني بالعطل
ببيتنا
بحكم انه اخوي من ماما وبس
ومن مدينه اخرى
لما يزورني اشوف العزه والفخر بعيونه والله اني من مااتوله عليه ابكي قدامه صدق انت الحين قدامي مو مصدقه
كلمه بيننا لها مغزى مااحيد يعرف سرها غيري انا واياه ودحومي!!!
كل ماطرالي قلتها
وهو كذلك مسوين نداء قلوب!!
هههههههههههههه
بصراحه انا استغرب من علاقة الاخوات والاخوان ببعض
كثير صديقاتي يعادون اخوانهم مأدري وش السبب!!
انا ماشوف الدنيا الا بعيون اخواني سواء من بابا أو من ماما
والله حبهم كلهم بقلبي
رحمه من الله ان لي اخوان
والا شلون ابتحمل بكره الحياه!!
الحمدلله على فضله واحسانه
اكملكم بعد بالامس كلمتني اختي الغلا كله من حائل جولي
متزوجه حديثا ومستقره بمسقط رأسي حائل!!
كلمتني وفرحت فيه وبوستها من السماعة تقوولي وشفي سمعاتكم عطلانه
قلتلها ياالغلا بوسات ولا الناس ماتسلم
ضحكت ضحكه مدويه تقول مرره رايقه
طبعا ماقصرت بأسألتها الي عادة تسألني
عن حياتها وشلون تكون افضل واخر المعلومات الي تسعدها
بحياتها
وعطيتها من كل الاوزان الخفيف والثقيل والوسط
الاسئله لاترحون بعيد
عن الطبخ عن افكار تفاجئ الحبيب عن حل فك بعض رموز الحب عند الرجال
المهم وماخلصت الا دقت وحده وكنت فرحانها فيها من اسابيع منقطعه
وتقريبا على احدى عشر صديقتي فدو اتصلت علي وكانت مستاءه لاني مارديت
تعذرت وقبلت
وخلصنا تقريبا
سوالف حريم
مأدري كل هالسعادة لاجت جت مره وان اختفت اختفت مره وحده
الحين او الان ظهري تكسر كم ساعة جالسه على اللاب 00
الناس نوووووم
وانا بالصاله هدووووووووووووووووووء جمممممممممميل
ورايقه
الى اللقاء
استغفر الله العظيم عدد خلقه ورضى نفسه وزنة عرشه
للي ولوالداي وماما2 الغاليه
وللأحبابي من صديقات واخوان واخوات
ولجميع من قال امين ومن لم يقولها