وش اللي تغير ؟ البنات ؟ و الا الحيا ؟ و الا التقاليد ؟ و الا ترتيبات الزواج ؟
وش السبب ؟ التعارف بين الخطيبين قبل الدخله ؟ او انفتاح بعض البنات و مصاختهن؟
اسئله لي اسبوع كامل وانا ارفعها في مخي واطمنها لمخيخي و احللها بالعمود الفقري و مفاصل الركبه مالقيت لها اجابه؟
الزبده.. في احد الزواجات خربتها العروس اثناء الزفه بعد مترين من بدايه الزفه .. هات ياابتسامات ملئ شدوقها و خوذوا يا قبلات توزعها على الحاضرين و دوكم غمزات يمين و يسار (( تصدقون شكيت انها الكاميرا الخفيه و ليس زواج !!)) و خربتها خير شر يوم وصلت الكوشه وقالت الطقاقه سلام خاص للعروس و رقصه خاصه لاميره الحفل فلانه و اصدحي بصوتها الاقحواني <<< مالها دخل بس تبهيرات فرحه اني اول مره اكتب موضوع هع هع هع , الزبده ان الطقاقه بدت ... صدفه ومن بين كل الناس علقني و الا تجيك هالخبله العروس تهز وسطه وتتمايل و تقطع المنصه طول عرض ترقص و المهبل اللي حوله يزغرتون و يصفرون !!
انا شكيت قلت لحبيبه قلبي ماما <<<< من الصدمه رجعت لسنوات الطفوله .. ماما انتي متاكده اننا معزومين على عرس و الا ذي عزيمه نجاح !!
فاصل لمزيد من الانتعاش <<< ياشين اللي اول مره يكتب موضوع . الله يرحم ايام التربيه العملي السنه الماضيه طقتن نفافيض وصوع وروع و اذاني مشوشه وعيوني تزغلل و عضامي قدمتي بي شكوى لمدير التعليم من شدة مارقصتها قدام بنات الثانوي الى ان تخلخلت مفاصلي .
بنات تكفون داخله على الله ثم عليكم وش السالفه انا اللي دقه قديمه لاني قليل احضر زواجات و الا العروس هذي هي المنخبله ؟ و الا هذا شي عادي ؟؟