ماذا فعلت يا صقيع !! حست العالم في بعض عموما أقول مستعينة بالله مع ملاحظة أني منذ مبطي ما حطيت كيبوردي بمنتدى لكن كانهم على خبري بهم من هاك السنين فكنت لاحظة مضمون موضوعك مع الاختلاف بسيط اقتباس: في منتديات كثيرة تبيح بعض العضوات لنفسها ما تحرمه على غيرها .. كانت فيه عضوة س في منتدى حلوٌ جميل إلى ردت على عضوة من المستهترات المستهبلات ترد بكل جلافة ((جعله الله حجة لك ،أنتبهي ولا يكثر رفع الكلافة مع الرجال)) وإلى ردت على عضو معرفة رجل أنواع المزح والضحكه سطرين . الله يعافيها ولا يبلانا. اقتباس: بل إن كثيراً منهن تثور على أي رأي يخالف أفكارها ثم تتوالى الردود المطبلة لها من بعض مرتزقة ( الهواء ) بردود وعبارات مكررة مثل : ( بارك ألله فيك ، بيض الله وجهك ، واصلي يا أختاه ... وغيرها كثير) بعض مطوعات هالزمن خاصة اللي طاحن بالنت عليهم علوم غريبة تكتب في النت وتجاهد وعندها كل أخبار الشيعة والطوائف وفضايحهم وأدق تفاصيل تحركات اليهود في حربهم على الإسلام وهي واقعها لا يمكن يطابق مواضيعها !! تنتقد بنت ليه تكتب في الموضة وهي تفعل أعظم من تتبع الموضه الله يعافيهم ولا يبلانا. وبعدين فيه طائفية واضحة تلقى العضو ص دائما مؤيد لأي حر تكتبه س !! حتى لو ما عنده خلفية عن الموضوع !! اقتباس: وياويل من يرد عليها معبرا عن وجهة نظره أو رأي مخالف لما طرحت الاخت ، وعليه أن يصبر على القذف والاتهام بالفسق والنفاق .. هذا إن لم تصنف مع الرافضيين والكفار والملحدين ! لاحظي أنها قد تصفك بالكفار أو الفاسقين وهن مواضيعهن مدندشة ولا فستان عرس ألوان وحركات نواعم من شاف تنسيق الموضوع وإلا الرد خق عنده!!! غير تصنع الثقافة !! مدري وين هالمثقفات ما نشوفهن إلا بالنت ؟؟!! اقتباس: لاحظت ماذكرت أعلاه في كثير من المنتديات وكان ذلك محل أستغرابي !! الغريب أنه أثار استغرابك أنا من حيني ما أختلط فيهم مع أني أحبهم في الله بس لي عليهم انتقادات وملاحظات ذكرتهن هنا ولاحظ بعد أي موضوع لو هو قديم من عشر سنين وهو يترزز بالنت وتجي عضوة تكتبه تلقى خمس صفحات كلهن مدح بالعضوة واختياراتها وقلمها البراق !!! وأنا ما أشوف غير صورة التوقيع حلوة وتنسيق الموضوع متعوب عليه،،، لي عودة إن شاء الله للتعليق على رد سرى ليل ،، تحتح