[مياسة]

مدري ليه.. اللي يكتب بـ خط كبييييير.. احسه يهاوش... وانا يضيق صدري لاسمعت احد يهاوش .. خصوصاً (بعض) رجال الهيئة هداهم الله,, مدري ليه ياخذون كل دين محمد صلى الله عليه وسلم.. إلاموقفه مع من اتى إليه يستأذنه بالزنا !! لا رفع صوته.. ولا فضحه بين خلق الله !!!! الله يسامحنا ويسامح الجميع ,,,,

والله يا شيخ لو تقولي اعطيك مصاريف سياحتك كلها.. بس تخلينها بالسعودية... قلت أنا اللي أبعطيك إياها وتخلي سياحتك خارجية,,, غير مكة والمدينة التي تُشد الرحال لها لا تفكر,,,,, مو للسياحة للعبادة طبعاً (ممكن نقول سياحة وسط أجواء إيمانية .. اللـــــه).. ويا ليت ماتنسى الفرق بين السياحة والعبادة.. <<-- لاحد يجي و يحوم تسبدي ويقول أبها سياحية.. او جدة خيالية.. ممكن اقتنع بالخبر يوم يومين,, بس ياليت احد يذكر لي مجمع تجاري..أو مطعم راقي في أبها.. او شالية ع الشاطيء رومنسي أخاذ...! و اقوله احسنت.. هذي السياحة وإلا بلاش... يا اخي قل أبها كشتة.. واستريح <<-- رغم اني ما عمري طبيتها ولا أدل طريقها ...! أنا حدي الرياض باريس نجد ع قولتهم خخخخخ

المهم .. نرجع لموضوعك <<- خطر تمسك سيارة.. الانعطاف عندها مثل شربة موية !!


قرأت قديماً (سالفة حصلت مع احد الدعاة او المشايخ مثل احمد بن حنبل او الشافعي,,,والله ناسية مين بالضبط) المهم يقول أن احد الاشخاص زار مصر... وبعد عودته أخذ يتكلم عن مساوي مصر.. وان فيها المنكرات والخناء.. وغيرها,,, فقال الشيخ: نعم صدقت ,,, بعد كم يوم أتى شخص اخر من مصر .. واخذ يتكلم عن جمال مصر.. والعلم الموجود فيها.. وعن مشايخها .. فقال الشيخ: نعم صدقت,, استغرب الحاضرون .. كيف بالمرة الاولى قلت صدقت.. والمره الثانية النقيض لها قلت صدقت!! فقال .. لان كل واحد ذهب إلى ما يريد .. وكل واحد اهتم بما يريد ,,,

فـ اقول يا اخوي سوزو الشر بكل مكان ولله الحمــــد !!!!!! وما وقفت على مصر وبس ... وحولك واجد .. والسلام خير ختام ,, وبمان الله ,,