[جمان البحر]

عسااااااااي ماأشوف هاليوم ولا أسمع به طول عمري ..

وعن نفسي أبصيح وأبشارك أمي بحزنه ..
هي وش ذنبه يتزوج عليه ؟؟
ماقصرت معه بشيء وشايلته على رأسها من فوق ..
وبعدين وشلون أروح أستانس وهو حارق قلبي وقلوب خواتي الصغار ...

مرض يشيل هالمرة اللي مالقت تعرس الا على أبوي ..!!ربي مكثر الرجال اللي مطلقين تروح تضف له واحد منهم ..

ــــــــــــــــ
أما بالنسبة لسرى ..
ياأختي أنت مسألتك الآن مب مسألة تفكير بالعقل يعني لاتقعدين تهايطين وتقولين أنا أفكر بعقلي قبل عاطفتي ..
لأنك ماجربتي حياتك مع أبوك تقولين هالكلام ..ماجربتي معنى حنانه ومعنى وجوده معك بالبيت ووجوده معك على الغداء وعلى العشاء يومياً وشلون تبي تقبلين بأنه يوم يقعد معك ويوم يبعد عنك ..
لو انك مجربة لحظة تقويمه لك لصلاة الفجر يومياً كيف راح تتحملين إنك في يوم بتصحين على غير صوته ؟؟
ماجربتي دخلته عليك وأنت تختبرين يومياً يشد من عزيمتك ويقول لك اجتهدي يا بنيتي ترا الأمور سهلة بس أنت سهليها ..
ماجربتي لحظة روحتك معه الصباح للدوام خاصة وقت الاختبارات وهو يدعي لك واذا كنتي متأزمة من المادة هوّن عليك ..
وغيره وغيره فكيف راح تحسين بمعنى فقدك لأبوك وهو موجود ..

رجاااااااااااء لاتجين تتفلسفين علينا لأنك أبداً لايمكن تحسين باللي ممكن يحس به اللي يفقد أبوه وهو كبير وأبوه حي ..