[align=center]
أهلين بكم كلكم كيف حالكم وأحوالكم عساكم بخير وسلامه اليوم نويت على نيه والله يعين
تدرون وشي عاد !!!
هجيت عنه وركضت بسرعه عاشان ماتلحقن خفت تشوفن وتمسكن وبعده ما أقدر أطلقه
بصراحه هي تحبن وأنا بعد أحبه بس أحيانا أحس إنها ممله وتقهر بعد لآنه تفرض نفسه علي
بالقوه شايفة غلاه!!! وش تقولون لكن والله إن حبه بقلبي يزيد وغصب علي ماهو بيدي وش السواة
أدري ودكم تدرون منهي 00000
أحترقت أعصابكم صح!! والله إني ما أحب حرق الاعصاب وأحب أضرب على الحديد وهو حامي
لكن يالله أبقولكم منهي الله يسلمكم هي (اللغه العربيه ) دايم أكتب باللغه العربيه الفصحى صح
وسوس لي عقلي اليوم إني أهج عنه قال جربي الحريه يمكن ترتاحين أكثر !!
فكرت وزادت حيرتي قلت :
تدري يالله أبجرب على قولتك يمكن أرتاح له (ما الظاهر) المهم اليوم
أبتكلم لكم عن موضوع يمكن يصير بالعاميه أحسن موضوع مهب ذاك الاهميه لكن قلت يالله
أبسدحه لكم وكلن يسدح رأيه وخاصه الرجاجيل الموضوع الله يسلمكم عن (الامراح) قصدي نوم
الزوجه عند أهله تدرون عندنا بمجتمعنا السعودي أشياء ماتعتبر ظاهره لكنها تصنف من ضمن
الاشياء الغير مرغوبه المهم من هذي الاشياء نوم الزوجه عند أهله وقت الآربعاء والخميس
ومايحدث للآهل من حالة إستنفار قويه وإستعداد علشان يستقبلون الوفود المشاركه لهم هالاسبوع وكل أسبوع تقريبا والشكوى على الله مالهم حيله والامراح عموما
سوى كان هالشي من رغبة الزوج يعني راعي طلعات وروحات وجيات والمطق رأس الحريمه(طبعا) المسكينه
أو من طرف الزوجه وتصير راعية دبكة وركضه وماتصدق بالاربعاء والا وتلقى الشنطه عند الباب
مايحتاج أصلا تجهزه هي والمه من الاسبوع اللي قلبه ويالله على السيره
الحريمه منطقه من الرجل راعي الصولات والجولات والرججيل المسكين ضحيه لحريمته راعية
الدبكة والسوق والمشواير وإذا تشجع قال: أجلسي هالأسبوع تكفين قالت والله إن راسي صاكن من
هالبزران ودي أتلين عند أهلي اليوم
والحريمه الثانيه نفس المصيبه تساحر رجيله وتقول تكفى لاتطلع الأسبوع والله إني فشلت من
أهلي من كثر لجت بزراني أزعجو أبوي وأمي يرد عليه وبكل برود :أقعدي في بيتك وش اللي حادك
على أهلك إحمدي ربك عندك بيت ومعززه ومكرمه
وعلى هالحال الى مالا نهايه وبصراحه بدت الظاهره تستفحل بمجتمعنا بشكل ملوحظ
والله إني ما ودي أطول عليكم وأثقل طينتي خاصه إنكم ماتعودتم علي بالاسلوب هذا
زبدة الهرج إن كانك زوج راعي طلعات قل رأيك وإن كنتي زوجه راعية دبكة نفس الشي ردي
علي تكفين ماندري يمكن نلقى الحل عندكم والباقي من الاعضاء منورين ونبي من نورهم شوي
والا كثير المهم نبي من نورهم (لو لمبه) يالله حيهم تفضلو 0000
بقلم أم اليسر العامي
عذرا على الأسلوب[/align]