اتسووووووووووووووو رجعنا نبي نكمل حكاية كان يامكان صار في هذا الزمان{بنت الكراث} وهالحين مثل ماقلنالكم ان صيتة تطورت وصارت تحط اسمها بلنت بنت الشروق وقامت تنعم صوتها الي تسنكم تسمعون الرحى لمنه دار على الرحى وعرفت وش الايميل ،،، اما سالفة الأيميل مع حصة يالها سالفه قويه تعالو ابي اقولكم سالفتها مع الأيميل وبعدها نكملكم حكايتها، سمعت صيتة ان فيه شي بالنت اسمه ايميل وماسنجر وراحت لمحل الكومبيوترات وقالتله ابي ثلاثة كيلو ماسنجر واربعة كيلو ايميل نرجع لقصة المبدعة صيتة الي مسمية روحها بنت الشروق ،، وسمعت صيته ان فيه شي اسمه شات ودخلت صيتة بهالشات بنك بنت الشروق ومن غرفة لغرفة ومن خاص لخاص وتقول انا بس ابي العب على فلان وعلنتان وهات يا اضافات بهالأيميل وكل واحد يطلع مع صيتة {بنت الشروق } تعطية ايميلها وتكلمة بالمايك ،، واخذت فترة بنت الشروق بشات وبعدها سمعت بشي اسمه منتدى وقالت لروحها خلينا نجرب وطلعت ذكية بنت الشروق تروح وتشوف المشاركات والمواضيع وبس تأمل المهم وقالت : انا هالحين ابي اشارك واكيد بشاركهم بقصيدة ابي اخاطب فيها حبيبي واكتبها لعيون حبيبي الي هو ماهوب رجلها وحكت راسها مدت رجولها وخلت صحن البصل عندها وهات ياتقطيع بالبصل عشان الدموع تعطيها اندافع لكتابة القصيدة وكتبت بنت الشروق هالقصيدة عيانك فيهم غسق ياويلي عليهم انت تلهمني الكراث بكلتا يديك ياحبي وانت ربيعي وانت شتائي الذي ليس بوووه مطر انت صحرائي المشمسة الحارقة بس لو تغير شماغك ياحبيبي كان الآن احبك ماذا افعل بدونك انني اجلس آكل كراثا وانت بعيدا عني اووووه للا للا للا للا كم انت بديع المحيا بن فختان ه هل ترى تمبيوكري ياحبيبي انه يصرخ الماً من حبك وانا بنت الشورق عشت لأجلك وسوف ابقى لك ولعيناك فكن بالله رحيما بي لاتلمني انني الآن استمع لمحمد سليم واتذكرك مع اعذب اغانية سوداني راكب كوريلا مع تحياتي انا بنت الشرووووووك{ من زود الرقة كاتبة شرووووك ياربيييييه} والردود تجيها بلمنتدى تمدح قصيدتها العضو دجة يرد عليها: تسلمين اختي بنت الشروق والله انها قصيده زينه بالحيل ومرة طيبة والله اني ماعمري قريت مثل هالقصيدة الي تخلي الواحد يتفعال معها وانا يوم قريتها بكيت من من عذوبة الفاظها يعطيتس العافية اختي ونبي كل يوم تجيبين لنا قصايد مثل هذي العضو: خرمان يرد عليها: رووووعة هالكلمات المعبرة الشجية والله انتس شاعرة كبيرة مرة وتستحقين انا نطبع ديوان شعري لتس وانت ابدع شاعرة شفتها بحياتي وعساك دوووم متواصلة معنا المشرف خربوط يرد عليها: والله انها من روائع الأدب العالمي المفروض انهم يحطون هالقصيدة من ضمن المعلقات السبع المشرف شخبوط يرد: انت يا بنت الشروق مبدعة رائعة ومثل ماقالو خواني الاعضاء انت لازم تطبعين ديوان لشعرك ،،،،،، ووصل عدد الردود على موضوع بنت الشروق 80 رد كلهم من اطفال الأنترنت والله مير يومنها تشوف هالردود الي عليها وهي تنتفخ مثل البالون وقالت خلاص انا شاعرة ومااحد قدي وكل الأعضا يرسلونلها رسايل خاصة بالمنتدى ويمدحونها ويطلبون انهم يتعرفون عليها وهي مبسوطة وهات يا اضافات والمايك يدهر مايطفي وكل واحد تكلمة تقوله انها صغيرة وعمرها 19 سنة وهي تسذب التسذوبة عمرها فوق الثلاثين وكل واحد تكلمة وتقوله ياحبيبي يانظر عيني انا ماحبيت غيرك وانت الوحيد بحياتي وكل واحد من هالمخفات يصدقها ويحسب انها تحبه وتموووت فيه وتابعو الجزئ الأخير من القصة غداً وماذا فعلت صيته تحياتي لكم كلكم