يا أبوي بخبر موتك شعوري منصدم مقهــــــــــور
وعيوني لشوفتك تظمى يا كل الشوف في عيني
بعد فقدك انا يا أبوي ما عاد اقدر اشوف النـــور
فمن يضوي لي دروبي بعد ما كنت تضوينـي
يابوي ياليتني اسكن معك في وحدتك مقبــور
ويجمعنا قبر واحد وفي قربك تسلينــــــــي
يا أبوي بغيبتك عني غدا كل الفرح مهجـــــور
عقب مانظرتك غابت يا صوت كان يحيينـــــي
وصار الحزن لي موطن وانا له بيته المحــذور
وكل احزان هالدنيا غدت مني وهي فينـــــي
اعيش اللحظه من همي وحزني والعذاب شهور
وصار الحزن يسكني ويجري في شرايينـــــي
ما قول الا عسى الجنه لك الدار وبها مسرور
وانا يارب صبرني على فرقاه قوينــــــــــــــي
الدمعه