: بلا..صبوا القهوه... وزيدوها هيل صبووها للنشامى على ظهور الخيل : ضيافتنا ...هي قهوتنا....وهي اصالتنا : اعترف انني مدمنة قهوه عربيه واعترف اني اكتب الموضوع والساعه( الرابعه فجراً) وفي يدي فنجان القهوه واعترف ان يومي مايصير عال العال... الا بشرب قهوتي واعترف .... اني من فئة المدمنين للقهوه... ونسبة الكافيين تووب في دمي : زمان... وانا صغيره كنت اكرهه شي عندي القهوه بتعرفوا ليش؟ لان امي الله يخليها لي.... تفرض علينا ( فن) صب القهوه تعرفون ان القهوه عند تقديمها للضيووف لها فن لايتقنه الكثير عاد امي تحاول انها تعلمنا قليل من هذا الفن ربك اننا نقدر نقوم ب الواجب تجاه ضيوفنا...ونبيض الوجه عاد انا ياما ... وياما كنت اتهرب اذا جونا ضيوف واخلي اختي في وجهه المدفع علشان تصب القهوه لهم عاد تخيل تراقب فنجان فلانه.... وفلانه.... علشان اذا خلصت تزيد لها فنجان ثاني... وثالث... ورابعه ووو...ووو يمه مايشبعون ولا يكفون طبعاً تعرفون الحركات الي تبشر لنا عن انتهاء الضيف من قهوته كثير من ابنائنا يجهلها واحنا نهملها : صب القهوه ....للضيف فن من فنوون الكرم والضيافه يجب علينا فرضه على ابنائنا وتعليمهن ابجديات هذا الفن الي اشوفه اهمل : زماان... كنت امسك الفنجان والدله ... ويدي تترتجف وانا مقابله الضيفه واحيانا من( الرفاله) اكب الفنجان عليها والاقي تلاطيش من امي واحيانا كثيره ( اترس) او ( املي) الفنجان لها ابيه يكفيها لكن هيهاات... هيهااات كل ما اصب بعد المعاناه تقول لي قهوتكم زينه هل من مزيد والله من كثر ما اعاني تمنيت اني اسوي مثل الي ب الصوره اختراع حلوو صح؟ / المهم خلاصة هذرتي الي فوق ليش صرنا نهمل التفنن ب ضيافة ضيوفنا في تقديم القهوه العربيه؟ وللأسف.... صرنا نعتمد على الخدم في صبها.. ونهمل تعليم ابنائنا وبناتنا فنونها / وصباحكم قهوووه عربيه أريج الحياة ,