اولاً الله يعطيك الف الف عافية اخوي فيصل على هالموضوع.... ثانيا والله يانا اضرس وودي اكتب من هنا لبكرى عن هالموضوع قسم بالله يافيصل انك حرثت الجمر بس ودي اوجه رساله لبناتنا الغاليات: اخواتي العزيزات اين العقول تكفون وش اللي مشغل يقص شعرتس بـــ250 ريال وش اللي استشوار بــ150ريال حرام عليكم وينكم عن قول الرسول (وعن ماله فيما انفقه) ... اخواتي العزيزات انا ليس لدي معلومات كافية عن اسعارالمشاغل بس اللي اعرفة انهم يلعبون عليكم وش اللي مشغل مافيه مكاسر لاقلت لخواتي ليه ماكسرتيها قالة سعر واحد وعيب اننا نكاسرهم وش اللي عيب العيب اننا قاعدين نتفنن بقصاتنا وتسريحاتنا وتفصيلنا وفيه ناس ورب الكعبة انهم مالقو يسددون فواتير الكهرب ذبحهم البرد ..... خواتي العزيزات ان مارحمتن الفقراء والمساكين ارحموا ابوتكم هاللي يشقون من الصبح علشان يجمع له قرشين واخرتها يطيرن بفساتين وقلة حيا ..... وودي اضرب مثال بس رجاء خاص لاتفهموني خطاء وهذا تنبيه هام جداً (يكرمن بناتنا عن هؤلاء الفتيات) بس حبيت اوصل هالمثال كلنا او اغلبنا يشاهد بعض قنوات الاغاني وخاصتن مايسمى البرتقاله وطقتهن واكرر (يكرمن بناتنا)تشوف البنات ثيابهن موذاك الزود ولا تسريحات ولا مكياج من النوع الغالي مثل نينا ريتشي او ديور او نيفيا وكذلك الفساتين ماشرته من االنخيل او العثيم او مفصلته عند الراقية او النازلة تلقاها متسلفته بس جميلات لان المرأه خلقها الله جميله وليس شرطا ان تكون جميله بشكلها ولاكن يمكن انت تكون جميله بروحها..... اخواتي العزيزات تكفون وللمرة الاخيرة اقوله تكفون حكمو عقولكم اخواني قبل شهور او بالاصح قبل رمضان طرح مجمع الزاد الخيري مسابقة طلب منها افكارخيريه لمساعدة المحتاجين او لزيادة الصدقات فكتبت لهم فكرة الا وهي: وضع مشغل خاص بالمجمع الخيري ويكون ريعه لمجمع الزاد الخيري ويكون كبير وكذلك متميز بالفخامه والمعدات ويوضف فيه من بنات بعض الاسر محدودة الدخل التي تريد ان تعف نفسها وتساعد اسرتها ,,,كذا نصير وفرنا وضائف لفتيات محدودات الدخل وايضابدال ماتروح هالقروش اللي تدفع للمشاغل قسم بالله انه مهوب حسد بس انه قهر لانه استغلال يروح على شكل صدقة ولاننسى انه راح يتم وضع تخفيضات للفتيات من ذوي الدخل المحدود .............. هذي مجرد فكره فقط وارجو ان تكون اعجبتكم