السلام عليكم ورحمة الله .. بهالبرد تزيد الرغبه فأكل الاكلات الشعبيه خاصّه الحنيني << يم يم بالنسبه لي الحنيني من افضل الاكلات الشعبيه لدي .. ومو اي حنيني .! لا لا لازم حنيني الوالده سبحان الله حاولت آكل حنيني ام الجيران لكن عجزت استسيغه .. واليوم طلبت منّي الوالده اساعدها في تصليح الحنيني فبققت عيوني عشان اتعلم منها .. وقلت بالمرّه اكتب لكم سر الطبخه المقادير والطريقه مع بعض قرصان + خبز بر يبللن بمويه + حليب طازج المراعي او اي نوع + زبده + ملح + عصير ليموون < اهم شي الليمون بعد كذا نبدا نفرم بفرامة اللحم القرصان + الخبز + تمر بدون نواة او عبيط وبعد ما نخلص فارمينه نرجع نفرمه ثانيه عشان يصير ناعم .. * افضل ولكم الحريه بعدين يحمى ع النار بتيفال ويضاف عليه شوي زبده وليمووون وهني وعافيه ..
النجاح , هو ان لا تلتفت الى الخلف !