مرحباً أخوي ابو اميرة :
اعتقد ان انقسام مدرسينك الى حزبين يعود الي سبب
هو انقسام النساء إلى نوعين
أسأل الله أن يوفقك بزوجة تدللك وتدلعك مثقفة واعية فاهمة تشعر بمسؤوليتها
وتخليك على راحتك!!
انا اعرف وحدة زوجها كانه خويها بس طبعا أعطته كل حقوقه الواجبه،، لكنها تعطيه الحرية المطلقه وين ماتبي تروح رح ،، طلعلة الشباب اطلع على كيف كيفك،، تسأل بحدود المعقول لا افراط ولا تفريط،، كل واحد منهم قلبه على قلب الثاني
وعندي نموذج العكس،، الحياة فيها انانية ، كل طرف يلبي رغباته دون تنازلات
وهذا يعتمد على التعود من الايام الاولى ، ولا اقصد انك تفرد عضلاتك من الايام الاولى، لا ، لكن المفروض كل واحد يدرس الثاني من البداية ويعرف شخصيته
عشان يكون فيه تفاهم من قبل الطرفين ، لاني اعرف انسانه دائماً عند اهلها
لدرجة ان ملابس زوجها اهله اللي يكونها ويرتبونها تصور!! هذا ما يرجع لها نفسها
لكن يرجع لزوجها اللي ما طالبها بحق من حقوقه فتدرجت بالإهمال ، هذا اعترافه هو شخصياً ....
وحدة من قريباتي تقول طلبت من زوجي يصب لي فنجال قهوة
استغرب زوجها وطارت عيونه كيف تآمره مع انها قالتها بغنج، قالت: وش فيها يا حياتي ؟
ابتسم وعطاها الفنجال ،،
رسخت بباله هالفكرة ان الحياة مشاركة وتنازلات كانت هي تقصد هذا الشيء
شوف وشلون وصلت له الفكرة
دائماً اتذكر اللي يقولون انهم مايقدرون يسهرون عشان المدام اللي كل شوي متصله ومقلقتهم ،،اتوقع ان الرغبة بالسهر بسبب عدم الراحة بالبيت، وليس للزواج اي يد الراحة او عدمها !!
بل هو مشروع كبير تملأة السكينه والألفه !!
وليس الإختيار وحده يضمن لك بقاءك ضمن حياة سعيدة !!
بل انتقاءك لأذكى الطرق واسهل السبل وأحلى الكلمات وأشجع المواقف
بعد هذا الإختيار !!
وان تعرف جيداً بأنها انسانه ذو بيئة وطباع مختلفة عن بيئتك
لتمتزج معها دون ان تندب حظك!
تمنياتي بحياة سعيدة وإختيار موفق إلى الأبد...
تحيتي لك