[جمان البحر]

والله ياقرقك كثير ..وكل شوي ودي أطمر سطور بس أقول اصبري يا بنت ..
وقسم لو اني مفجره بك وبموضوعك كان شويه ...سويت لي حرب أعصاب ودي أنزل لاخر شيء بس أقول اصبري فيه شيء زين يبي يجي ..

المهم انك في الأخير جيت على الوتر الحساس ...

تصدق وأنا أمس اتصفح المنتدى بديت أفكر جديا اني اغير اسمي من ....(منب معلمتكم اياه) الى ناقه ..
وقسم قهر الحين حنا يالبنات يستخسرون فينا 50 الف ومشغليننا بغلاء المهور وهالبعير يدفعون به ملايين ..حتى أكله غالي ..وكيس الشعير كل يوم قاعد يغلى أكثر ..
يعني مافيها شيء يشجع علشان تشترى بهالمبلغ ..

وبعد ..اذا اشترى الواحد بعير بمليون وعقب يومين مات وش يبي يسوي ؟؟؟يبي يضيق صدره ولا يبي يجيه لهده <<<حرقه بالقلب ..
ولا يمكن يلحقه ويموت وراه ..
وقسم لو اني مكانه كان أنتف شعري وتجين حاله نفسيه ويدخلونن شهار وآخر شيء أموت ..

قال ايش قال أشتري بعير بمليون ..
أنا يوم قالوا ان حواشي الزواجات يشترونه بثمانيه الى عشرة آلاف وأكثر ضاق صدري ...لأن لحمهن مايستاهل وكله ليله وهو قاضي <<<<تفكير بخلاء ..صح ..!!