[align=center]
ليش طاري الواسطة ؟ الشعب مبسوط ولا شي ناقصه .. ليش الطرح المغرض ؟
ليش الحرص والتأفف والمغاث .. الدولة تطبع المصحف الشريف وتزبط رعاية المسجد الحراام ووو
صحيح أن سعر برميل النفط بــ 90 دولار .. لكن همّن .. أهم شي البركة ، ولا تنسين شرهات المبزرة .. الله يصلحهم ويهديهم
أيضاً .. لا تنسين ثغور الأميرات فهي لم تعتد على علك سديف أو علك باطوق .. الشكوى لله .. ما تعودن على ذولي ضروري توفير مبلغ 5000 ريال للعلك الواحد
يعني أحمدي ربك يا أريج لا يبلاك ربي همّن يروح راتبك بــ علكين .. يعني لو بغيتي ربطة علوك يلزمك تطلعين سيارة أقساد
أيضاً .. فتحي عيونك زين .. شباب وش حليلهم فاتحين بيوت ويصرفون على عوائل وهم حرّاس أمن برواتب ألف وخمس مية
يعني مو ضروري جوال .. يكفي الثابت .. ولا هوب ضروري اللحمة والدجاج .. لأن النقرس يتسلط على المكثرين من زرط اللحوم .. وش حليله يكون الغدا سادة ومكحل ببزار .. شي حلو
أيضاً .. السفريات وتمشية العائلة مهب لازم .. تعرفين الزحمات والطرقات والسرعة حصدت أرواح الكثير فابركلهم ينطقون في بيوتهم ويطلبون الله الستر .. وذا جينا للملابس فالجميعات الخيرية ماخلّت قاصر على أحد إلى درجة أنهم يغسلون الثوب قبل يعطونك أيااه .. خلاااص وش تبين ؟؟؟
أرجع وقول .. أهم شي البركة والقناعة ... والأهم من كل هذا .. محارب الحاسبات الشروفة والتي تحرص على معرفة الكم الهائل من إيرادات النفط
أمّا صاحب السيارة المعلن .. فهو مصاب بداء الجشع والطمع .. الله يعافيه [/align]