[عبدالعزيز عبيد العدواني]

[poem=font="Simplified Arabic,5,darkred,bold,italic" bkcolor="transparent" bkimage="backgrounds/45.gif" border="groove,4,darkblue" type=1 line=0 align=center use=ex num="0,black"]
ياكم وكم ودي انا اسأل وانتضر رد السؤال = من قلب صادق ياسألته مايقول الا الصحيح

بس الحقيقه هالزمن مااضنها سهله تقال = دام الحقيقه جارحه حتى الزمن منها جريح

أووواه ياصدق المشاعر كيف ماعادت ضلال = كيف المحبه تنبني من دون إحساس (ن) يبيح

كنتي ببالي ياتصورتك على رسم الخيال = مثل الجبال الشامخه لا مايهزك أي ريح

أثر الشجر معروف حتى من قديم ولا يزال = وقت الخريف تطيح أوراقه وغصنه مايطيح

الغصن تبقى به عروق (ن) واصلها روح الوصال = والا الوفا روح مع اوراق الشجر واضحى طريح

الغيم لا منه بكى يسقي وهماله زلال = حتى لو انه مرتفع ماصار مع أرضه شحيح

وانا عطيتك والعطا ياخاينه أكبر مثال = والكذب ما اعرفه وانا طبعي مع العالم صريح

لكن حسبت ان الوفا بيديك موثوق الحبال = وانك على عهد المحبه والمشاعر تستريح

هذا غرورك جاب راسك والبقيه بالليال = ومن صد مايرجع ورى حتى ولو يسمع فحيح[/poem]