[الذاهـبـة]

سؤال دائماً ما يراودني ..

( على أي أساس حنا نقول هذي بلدنا .. و هذه أرضنا ) ؟

و حنا ما نملك فيها ولو قطعة صغيرة على قدنا ..

!!

ليه الواحد مضطر يشتري أرضه بفلوسه ؟؟ !! مو أرضنا حلالنا ؟!

مع إني ما اتحمل مسؤولية أحد .. ولا حتى نفسي .. ولله الحمد و الفضل و المنة ..

لكن .. حال رجالنا يكسر الخاطر .. !!

في الظروف العادية _ إذا كان من عامة الشعب ، و لم يرث و لم يفز بجائزة قمار _ يظل المسكين طول عمره

يكد و يشقى و يشتغل و يعيش نفسه على راتب الحكومة .. هه !! طبعاً إذا كان موظف .. ولا ايش بعد ؟!

و بعد الموت و عصران القلب و الجيب .. يشري قطعة أرض محترمة .. وسط جيران محترمين ..

و بعد طقة الوجه و البهذلة و القروض و السلفيات و التسفيلات.. يكمّــل العظم .. و يكسو العظم اسمنتا ..

ولا ينسى الواشنطونيا .. أجل !! عشان هذا " بيت العمر" ، و لازم يكون باحلى حلّـــه .. يا حلالي !!

و الحمد لله على بال ما تخلص البيت .. يكون ما قدامك إلا هم التأثيث ..

و بعد كل هالعناء .. يمديك طقيت الخمسين .. بس شباب شباب .. و الراس شايب .. هه !!

الحين تقدر تفك لك لكزس جديدة ، و تشخص أنت و وجهك المقرعط ..

روحوا ارقصوا بس عرضه نجدية .. و وسعوا صدوركم ..

ياعمي الدنيا فانية .. !!