السلام عليكم .............. ياهلا والله بالجميع والساعه المباركه والله ,, وياهلا بك يابوسلطان وابرك الساعات والله وانا اخوك ...... هذي قصيده الحقيقه عزيزه على قلبي رغم ان جميع قصايدي عزيزه عندي لكن هذا حصلت بعد موقف وكتبتها خلال ثلاث دقائق وإليكم قصتها ..والقصيده معها .. وهي قصيده بالوالده رحمها الله واموات المسلمين .......... ومناسبتها أنه بعد نهاية العام الدراسي وظهور النتائج والشهادات جاءت إلي إبنتي وهي تحمل شهاتها بيدها وتناظر لي بنظرات حزينه قلت : وش فيك ياماما ؟؟؟ قالت : بابا كل سنه ننجح نروح لديده(( امي)) نوريها الشهادات وتفرح وتشجعنا هالحين وين نروح له ؟؟؟؟؟؟... وبكت بشده ورمت شهادتها وراحت تبكي داخل البيت ... طبعا أنا قلت ...... تلقّيت الخبر صـدفه وهـزّ الخافق المجروح ### تباطيت الخــبر عنها بعد قـلبي وبعد روحي عسـى كل اللذي قدّروليّك بالخفا مدموح ### تصبرّتي .صبرتي والصـبر يا يمّـه ممـدوحي تحـملت الخـبر مدّه وسـدّي رافضٍ للبـوح ### شهادات النجاح اللي هدمت لي عالي سطوحي تعيش الناس يايمّه على فرحة نجاح نجوح ### وانا دمعي على الخدين كماالشلال مسفوحي يجيبون الشهاده واضحك بسـنيّ ونامذبوح ### شـهاده ماتشوفـينه حرام ان مابه ربوحي تذكرتك وقلبك يابعـد قلبي لنا مفتوح ### نجـي لك كلنا عندك بلعب وضحـك ومزوحي ذكرتك يمّه اوذكرك يمـين الله يردّ الـروح ### أعيش احزانك اللي بالحشا تبني له صروحي خيالك يالحبيبه في عيوني ما أبيه يـروح ### أبا ناجي خيـالك ليته انه يسمـع ويوحي أبي تسلى معاليق الحشى لامن بكيت بنوح ### أحـس ان اللهايب فوحها يطغي على فوحي فقدتك والولي شاهد وصوت صياحي المبحوح ### أعيـش العمر من غـيرك ولا لي فيه مصلوحي فقيده يابعد قلبي فقيده والحياء مطروح ### فقـيده والقـدر لاجا تعـدى كل منطـوحي كتبت الشعر يايمّه أبوصف طبعك المملوح ### و يوم انك رحلتي يالحبيبه راحـت طـموحي أغني لك وبك غنيت وغنّى بك حمام الدوح ### وكل طيورنا غنت على فرقاك مسموحي رضينا بالقدر يمّه وربي كاتبه باللوح ### نعيش العمر والدنيا مبين نزول ونزوحي وسلامتكم ....... وارجو ان تعجبكم ,,,, وننتظر مداخلات الأخوان والفصيح يابوسلطان .... مع تحيا1111111111تي ..
ادعــو للفقيـــد بالرحمة والمغفرة