[بدر بن عبدالله الدخيل]

يا راكب اللي بالبراحات ما خط
ومجهزينه للشيوخ النشاطي
**
ماريته نجمه على ليبر الجنط
ويوزع التكييف عالي وواطي
**
طبلونه كرستال ياقف على الشرط
شغل النصارى بالتصاميم صاطي
**
بالله يالسواق يالذيب الامعط
توصل جوابي بالعجل لا تباطي
**
قله بدر قلبه من الشوق ممط
مط الغراء في مدمجات القواطي
**
على اللذي من صبغ الاشوام ما حط
زينه على كل المخاليق غاطي
**
خده كما الساتان ومعزل الوسط
و(؟) لا مشمش ولاهن طماطي
**
عوده لطيف ومن حلاه مترابط
اليا مشى كنه على الشوك ياطي
**
وناب (؟) فوقه الثوب يصفط
صفط البحر للموج فوق الشواطي
**
ما قد على درب الدنس مال واغلط
اطهر من الناقوط فوق البلاطي
**
يسوى بنات الترك واللي ورى الشط
وان كان بالمريخ عربان تاطي