تذكـــــــــرت .. موقف اللــــــه لا يعيده ..
ببدآآ بدون مقدمات .. => ليه وانتِ ناويه تطولين الموضوع .. اذا عنك وقت غيرك ما عندهالمهم .. ما علينا ..
ولد عمي .. كان مسوي عمليه .. وأهلي كانوا بيروحون كلهم ويزورونه ..
وما كان بيجلس أحد بالبيت غيري .. => فاسحبوووني معهم .. ولا انا شكو اروح ازوره ..
فـ اللي يقاله ولد عمي من كان موجود عنده ..؟! وانا ليه اسألكم .. انتوا ما تدرون ..
كان موجود عمي وزوجته .. وجيت انا مع امي وابوي واخوي ..
المهم .. هم ( قلعوووه ) بمستشفى للحكومه .. وانا حدي ارامكو ما اتعدى .. => بنت عز ..
فـ تشوفوني وقفت في الزاويه عند أقرب باب للغرفه .. => يقالي مستحيه ..
بلاكم ما شفتوا وش صار فيني من زود الحيا ..!!
مثل ما تعرفوون .. مستشفيات الحكومـــــــــه .. ما شاء الله عليها ..
ريحة النظافه تفوووح فيها من زود ما هي معقمه من الجراثيم ..
وانا صحيح أحب النظافه .. لكن مو لهالدرجه ..
المـــــــــهـــم ..
بديت أحس ببرودة في اطرافي .. وراسي بدآ يثقل ..
فقلت لآخوي تكفى جب لي كرسي .. والأخ تآخر ..
فانتبه لي ابوي وقالي اجلسي ع طرف السرير ...
=> تكفووووون لاااااااااااا .. اي مكان الا هذا .. ما باقي الا اجلس بحضنه بعد ..
وقتها تدرون وش صار ..؟؟
اخوي حس فيني وجاب الكرسي وانقذني ..
بس ثبت الكرسي بمكانه .. وأنا أطيح عليه .. => ع الكرسي .. لايروح بالكم بعيد ..
فبكذا أكون أنا ( أصبت بالاغماء ) ..
فقال ابوي لـ خيو : روح اشتر لبن بسرعه ..!
" أنا مو زود الحيا عندي يصير عندي هبوووط اضطراري في الضغط "
=> نصابه ما عليكم منها .. السالفه وما فيها .. ما تحب ريحة مستشفيات الحكومه ..
=> أدري بتقوووووووووولون .. وش هالدلع ياربي .. حتى المستشفيات صار لها ريحه ..
بس والله ما كـــــــــذبت ..
المهم .. وين كنا .........؟؟
اممممممممم .. تذكرت ..
راح اخوي يشتري لبن .. وابوي الله يهديه .. رفع الغطآآ عني ..
وطلعت .. بوجهي اللي مو زود الحيا ( العيا ) قلب أصفر ..
و؟؟؟؟ من بعد ما كانت توت .. قلبت .. كريم تبييض => صار لونها ابيض ..
وكلها هذا صار قدام ولد عمي .. اللي ما يستحي .. وجالس يناظر ع طول الخط
حتى ما رمش بعينه .. => وانتِ وش دراك .. أكيد كنتِ تناظرينه بدورك ..؟
والله من الفشيله .. جالسه اناظر هو يشوفني ولا لا ..
المهم .. جآآآ اخوي ومعه اللبن => ع بالهم حليب السعوديه ع غفله ..
وأشرب وانا لسه ما صحصحت .. أحس الدنيا تدور من حووولي ..
وينكب ع عباتي .. => يوووووووووه يالفشله ..
بيقول : حتى ما تعرف تشرب اللبن .. من كثر الدلع ..
( تلقووونه جالس يقول الله ياخذها هم جايين يونسوني ولا يدارونها .. )
المهم .. بعدها .. رديت لحالتي الطبيعيه ..
ومشينا .. فـ وقتها ..كانت بنت بنت خالتي في نفس المستشفى بالدور اللي فوقنا مسويه عملية الزايده ..
وقالوا بيروحون لها .. وانا معهم .. طبعآ ..
وأول ما دخلت .. طبعآ رحت أسلم .. هم الله يهديهم .. جلسوا يقولون :كل هذا حب .. يعني لهالدرجه ما هان عليك تشوووفين ولد عمك طايح بالمستشفى ..؟
واستلمووني بالتعليقات ..
وانا ليومكم .. ابي اعرف مين هذا اللي ما صدق خبر وشهر فيني .. مع وجهه ..هنا حقدت عاللي اخترع شي اسمه جوال
وسلامتكم .. بس موووو قمه في الاحراج ..