|
بــؤس ثـقــافي يــســتـنـســخ بــؤس حضــاري !!
انطلقت ظاهرة الإستنساخ الجينية المشؤمـة في الغرب على الحيوان قبل سنوات !
لكننا سبقناهم بهذه الظاهرة منذ قرون ! وإن اختلفت ظاهرة الإستنسناخ المتوارثة في مجتمعاتنا عن الإستنساخ الغربي.. إلا انها افـرزت بؤس ثقافي نتج عنه بؤس حضاري مترهل ! فالإنغلاق الفكري المتقوقع حول الدوائر الضيقة التي لاتمت للدين بصــلة ...جعلتنا رهائن جماعية تطوقها اغلال من العادات المستنسخة والمشؤمة ! لتفرض علينا ضرورة إستنساخ نسخاَ مكررة تدور في فلك محدود لايمكن تجاوزه ! فالتعليم بدرجاته العلياء للفرد لايزال غير مؤثر على البنية الثقافية للفرد ! ولهذا اصبحنا مثخنين بجراح التخلف الحضاري المزمن ,,,, |
نحن وبكل أسف على هذا الكوكب نقبع في المؤخره حضاريا وفكريا وتكنولوجيا ...
كيف نتطور ونواكب الآخرين ...؟ اذا اردنا ان نحقق الكيف لابد من معرفة سبب تأخرنا , معرفة الأسباب وعلاجها نصف المشوار ... _________ تقديري للكل . |
اقتباس:
إن اردنا الإنطلاق والعودة إلى المجد الإسلامي المتقدم ! علينا التحرر من قيود الفكر الجمعي المستنسخ من أرث عاداتي متراكم ! علينا التخلص من القابلية للإستعمار ! علينا التخلص من ثرثرة الفخر والمديح وذم غيرنا علينا ان نحدد الأهداف الصائبة والوصول إليها بعزيمة صادقة شكرا لك أخي الغالي ,,, |
انا لله وانا اليه راجعون!!!
مالك بن نبي + ابراهيم البليهي = راشد الصليحان انت ياراشد من يوم جاز لك البليهي في مقابلته على قناة ابوظبي وانت زايدن علينا الكيلة الله يهديك !!! ياخي احنا امة مافيها رجا!!!! لاتحاول بس !!! مادام شوية هالقاز اللي تصرف علينا بالشرقية تستورد لنا كل اللي نبي من بلاد الله فما حنا مسوين في انفسنا خير !!! همانا نحسب الحضارة واستيعاب الذات والنهوض هو هالقراشيع اللي نستورد من كل محل واذا جينا نعالج اوضاعنا الداخلية اكتشفنا اننا جماعة من الغوغاء اللي ماتنعطا وجه اجل بالله عليك هيأ الله لنا حرما آمناً ويتخطف الناس من حولنا في العراق وفلسطين ولبنان والسودان والصومال وافغانستان والشيشان وكل مكان وإحنا قاعدين نسوي مهرجان للبعرونات ايهن اطول خشما وافحج قدما!!!!!!!! واذا طق العود بالعود قالوا : هذا تراث الاجداد لازم نحييه ونحافظ عليه !!! الاجداد الله يصلحك ماتوا من الجوع وهم متسدحين تحت الرمث يقصعون قمل من قلة العيشة الواحد منهم مات ماشبع شعير !!!وأشخص واحد فيهم اللي طاقن له حمارة يتمشى عليها ساعات العصاري راحوا على سلامة نية جعلهم بالجنة.... اما ابو مهرجان مزاين المفاطيح وخشش البعارين فهو والله رمز خطير من رموز الانحطاط والتخلف الفكري والحضاري... يعني وقف سياقنا الحضاري اللي لازم نحييه عند خشش البعارين ولم يتقدم خطوة واحدة!!! ليتهم فاهقين شوي يمين او يسار كان بيلقون تراثنا الحقيقي اللي يقوم على معالجة الخلل من الداخل والثورة على التراث المنحط...((إنا وجدنا آباءنا على أمة وإنا على أثارهم مقتدون )........((قالوا بل نتبع ما الفينا عليه آباءنا أوَ لَوْ كان آباؤهم لا يعقلون شيئاً ولا يهتدون )) والحقيقة انها ليست قضية تراث آباء وخرابيط بل هي تحويل للحالة العقلية الحالية التي تهيمن علينا الى تجسيد مادي يتشكل عبر تلك المظاهر التي لايشبهها الا مهرجان النهر المقدس عند الهندوس !!<<<< برضوه الهندوس يحبون التراث حق اجدادهم !! وش حيثهم يعني هم خيخة ؟؟؟ بس حنا اللي عندنا تراث؟؟؟ .... وتجي لمايسمى العادات والتقاليد التي ما انزل الله بها من سلطان ولما تحاج الواحد منا بما انزل على محمد جاب لك الايات والنصوص الدالة على احقية مذهبه في تقديس عاداته <<<<((يعني من زود التمسك عنده بالسنة النبوية وميراث محمد صلى الله عليه وسلم) ولما تقول له يافلان الرسول كسر الاصنام وقال (جاء الحق وزعق الباطل ان الباطل كان زهوقا) قال لك بس ولو!!!!! ثم تقعد تفسر انت في (بس ولو ) هذي.... وتلقاها الميكانزم الاسطوري للمحافظة على تركة الوالد !!!! ياعيني ياعييييييييييييييني!!! الوالد ترك التركة ومعها مسمار منقطم ماله حل (اسمه : بس ولو)..... |
استاذ راشد الصليحاني
مما تشكو اليوم ؟! |
جاك عاد القرقر الثاني
لمبة شارع الموقر .. مما تشكو اليوم أنت أيضاً ؟ وش صاير اليوم بالذات .. انفجرتوا هه ! |
اقتباس:
فمت شي يامبدع اللمبات شفت وشلون نبدع بالخرفشة ؟ اقتباس:
اقتباس:
اقتباس:
اقتباس:
(بس ولو) رهيبة يالمبة يس ولو ...هالكلمة أكبر مصطلح يتفق عليه كل من عنده أنه ! ادري يالمبة اني اقتبست القليل من كلامك الدرر ! ولم اجيد التعليق المناسب تقديري لك,,, |
اقتباس:
الذاهبة ... عيني خير وفارقي عن وجهي الحين مالي خلقك.... راشد الصليحان... شف .. هذي الذاهبة اللي ينشد بها الظهر ومنشارها دايم مشحوذ... يوم جت على العادات والتخلف وسعابيل البعران وقفت في موقف تسلل ... يعني ماتشارك بالهجمة وقاعدة تطنز ... |
اقتباس:
يا حليلكم يالحظران وش هالحكي ! اللي ماله اول .. ماله تالي .. وين الأصالة وين التراث وين الاعتداد بالنفس و الأب و الجد و جد الجد و بالقبيلة و بالخوال ..! ألا ياويل حالي يا عيال الببسي و البرندا و السريلاك ! و البلاي ستيشن و النوكيا و الضرس الأزرق و الأخضر .. * معليش .. صحيح إني بجيحة شوي .. بنت بدوات و أزاحمكم في منتداكم * :) فمن هذا المنطلق .. تتزاحم الثقافات في فضاءات المنتديات !! |
اقتباس:
عيّن خير أنت و فتح زين .. ! تراني (( الذاهبة )) و انت ظنيت إني اللمبة العوراء المصدعة .. اللي جنبك ! نص اليوم طافيات أنت وياها ماحد يحتاج نوركم ! أكيد عشان فيه شمس المنتدى (( أنا )) و غطيت على انواركم النيون المتعبة للعيون ! |
[align=center]
اقتباس:
اقتباس:
|
[quote]اقتباس:
الذاهبة ... عيني خير وفارقي عن وجهي الحين مالي خلقك.... اقتباس:
اقتباس:
بسومة ... هذي ماهي حركات لزوم الستايل الجديد ...!!! هذي بعض ناس طلعت على حقيقتها يوم استفزها راشد الصليحان بسعابيل البعران حقت آباءها وأجدادها تخبرين بسومة هذا تراث الآباء لازم نحافظ عليه ..!! أما مثلا تركوا لي اجدادي 3 براميل سعابيل بعران ومحافظ عليها ويوم جا مهرجان المزاين رحت هناك وفتحت مبسط فيها سميته ((محل لمبة شارع لبيع سعابيل البعران الاصلية)) مش مثل سعابيل بعران هاليومين اللي تلقين الواحد منها ينقطع اول مايسعبل البعير ....!! عاد لا تحوم كبدك بسومة ترىهذا تراث الاجداد وش نسوي ؟؟؟ لاتفشليننا عند الاجانب التراث مايفشل..!! |
هه !
يعيد و يزيد في ذا ( البعران ) ..! ترى اسمها بعارين .. أباعر .. ( بعران ) تعني شي مو زين .. :) عاد تراني دايم على حقيقتي الحمد لله .. بس مشكلة إذا ماقدرت تمسك شي على خصمك .. ممممممم بسومة .. هيدي حركات جديدي .. ملينا من الردود المؤدبة مؤدبة مؤدبة خالاص بدنا نقب .. :) جنيي ما يواطن جنيّة لمبة شارع |
اقتباس:
اجل فيه احد بالعالم( يبعرن )بمهرجانات وهيك إدام العالم يعني وشهو المهرجان غير أكل مفاطيح وبعرنة ..اكل مفاطيح وبعرنة.... والجو كله بعران في بعران... وبعدين انا ماعندي جنانيا!!! الجنانيا بروس اللي يشبون نار بالبر ويقعدون عندها يقال لهم راعين كيف..!! |
اقتباس:
أنت ماعندك قرين .. لأنك انت الجني ذاته .. * بسم الله الرحمن الرحيم * أكيد الحين بتختفي .. استاذ راشد الصليحان ممكن تجي تقول لنا مما تشكو انت و صاحبك الأهبل ..؟ |
| الساعة الآن 08:09 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة