|
وقفة مع مزايين (( حرب )) .. ملكة الجمال ناقة
:)
أمس الصباح جاني ولد عمي .. وقالي وش رايك نروح لمزايين حرب ؟! قلت له : وش عندهم هناك ؟! قالي : عرض أجمل البعارين ! :) قلت له لا يا شيخ ؟ .. صادز أنت بعارين (( جميلات )) ؟:) وبعدين كيف يختارونها ؟! على الطول ولا على أجمل (( ردف )) ولا أجمل رقبة .. ولا يلبسونها من أزياء(( كريستيان ديور ولا دفنشي ولا إيلي صعب ولا عبد محفوظ ويخلونها تمشي قدام لجنة التحكيم بقدها المياس وخصرها النحيل وردفها الثقيل وصدرها الجميل )) :) ولا تجيك الناقة حاطة روج على شفايفها .. ومسوية سيلكون وفخوذها ملفوفة ؟ وبعدين من رايح يحيي الحفلة .. بعير نانسي ولا جمل هيفاء ؟ :) أتخيل بعير ماسك المكرفون ويغني (( يا ناقة وسط النفود تتمخطر )) :) .................. المهم رحنا لمزايين حرب .. لقينا أمة لا أله إلا الله هناك .. زحمة وغبار وتراب (( وبعارين )) وبما أن ما عندي خلفية عن البعارين جلست أسأل .. وش معنى (( الوضح .. والشقح .. وما أدراك ما مسمياتهم العجيبة الغريبة )) .. انا أعرف الألوان العادية بس مثل مسميات هالألوان أول مرة أدري عنهم :) أخذنا جولة على الذود (( ما أدري وش جمعها )) وعرفت أن الذود (( 50 ناقة )) .. المهم خلال تجوالنا داخل المهرجان .. لقينا مجموعة من الذود .. تمشي معها فوق 100 سيارة :) موكب صاحبة السمو البعريني ناقة بنت جمل :) (( أستغربت أن مئات الملايين من الريالات تدفع لبعارين )) يقولون عنهن (( مزيونات )) تخيلوا ناقة تعتبر (( جميلة عصرها )) قسمن بالله خبال عجيب ..أم فرة وبراطم ووجه (( سبحان الله في خلقته )) جميلة ! :) مقاييس الجمال ما أدري كيف عندهم .. لو تسأله عن حرمته قال عنها (( شيفة )) يقولون فيه واحد مات له جمل قيمته بس 400 ألف ريال :) وبما أن (( قبيلة حرب )) من أكبر القبائل في السعودية .. كان حتماً أنا نشوف تجمعات في هالمكان .. ومع هالتجمعات الكثيفة .. كانت مسيرات وشعارات ترفع .. (( كلها عنصرية بغيضة ومقيتة )) .. ((دخلنا في المسيرات اللي مسوينها وكانت تصرفاتهم مخجلة ومعيبة ومشينة تجاه من لم يكن من قبيلة حرب )) حتى الدوريات الأمنية ما قدرت عليهم تركتهم (( لهياطهم )) .. قلت لولد عمي (( خلنا نبعد عن هالغثاء اللي مثل السيل )) .. أبعدنا ورحنا نتمشى على البقالات والسوبر ماركات :) .. خيام هه .. لقينا أسعارهم مرتفعة أرتفاع جنوني (( بكت الدخان بــ 8 ريال )) :) أصصصصصصصصصصصص لا أحد يعلم :) كل شي غالي ودبل .. مشينا على (( الكثبان الرملية )) وبصراحة أنصدمت بشدة .. نعمة منثورة بكل مكان .. رز ولحم أكوام فوق بعضها .. كل المخيمات ترمي هالنعمة بدون (( ضوابط دينية رادعة )) على الأرض .. (( طاغيين بالنعمة )) .. يعني لو خصصوا من التكاليف اللي يتكلفونها بحافظات للأكل ويودونها للجمعيات الخيرية ماهوب أزين لهم ... وأنفع لهم في دينهم ودنياهم ؟ هدر للأموال .. (( وسيسألون عنها )) .. أنفقعت مرارتي اللي أصلاً ماهيب موجودة معي :) أخذنا لنا مكان مرتفع وجلسنا نناظر هالبشرية .. ومع غروب الشمس بدأت ظاهرة (( التطعيس )) الين ما أذن الفجر وهم (( ون رم آآآن )) .. بعد صلاة العشاء .. رحنا للمقر الرئيسي للحفل .. شفنا (( السجالات الشعرية والمهاترات فيها )) .. كلن يقول بيت لثاني ألعن وأشنع من البيت اللي قبله .. ضاق صدري منهم وطلعت .. ورحت لمكاني .. أفكر في اللي شفته اليوم ... مظاهر وتفاخر .. وبذخ وأسراف .. وبالأخير منهي أجمل ناقة :) يعني لقب (( ملكة جمال البعارين ناقة تلبس التاج المرصع )) إلى السنة الجاية وخلال هالسنة هالناقة تصير سفيرة النوايا الحسنة بين البعارين .. وتعطى من هالشعير الين ما ينفجر بطنها .. ويصل سعرها لملايين الريالات .. ناقة تخيلوا ! هذا سعرها! يمكن ناقة متخانقة هي وجملها تصلح ما بينهم :) ياحريم .. ما تنقهرن أن اللقب راح عنكن لناقة :) عموما .. المفروض مثل هالمهرجانات توقف نهائياً .. لما فيها من أسراف وبذخ .. ومزايدات وصرف للأموال بغير وجه حق .. وبعد عشان العنصرية ما تزيد في المجتمع أكثر واكثر مما هي عليه الآن ... ملاحظة مهمة .. كتب هالموضوع واحد من قبيلة حرب .. |
الله يهداااك
لو كملتها بصور هالجميله عشااان نشوف ..!! اقتباس:
|
قال اخوي تبون تشوفون مزايين حرب قلت وش حرب قال قبيلة حرب مسوين مسابقهـ لللبعارين وجلس يشرح بس مافهمت :) قلت لـ اخوي وش دخلنا في حرب :) قال نوسع صدورنا ورحنا وضاقت صدورنا غناء وبلاوي مرت هايلكس مكتوب عليها (( حرب وبس )) وسياره اخرى مدري وش نوعهــا (( حرب يرخصلكـ الغالي )) وماتعشينا عندهــم .... عشّانا شيزى :) إقلاع ليت الدخان سعره تسعين ريال ..... . |
الشق اكبر من الرقعه
جنون يقوده عقلاء القوم !! قال وين عاقلكم قالوا هالمربط !! مزاين الدواسر ومزاين مطير والآن مزاين حرب والقادم اكبر اتمنى ان تتدخل الدوله بوقف هذه المهازل وان كان ولابد يتم تنظيم مهرجان واحد بين الجميع تحياتي ,,, |
[align=center]صراااحه نفسي أشووف ها الناااقه
ليتك مصور لي شكلها عشان أشوف هي تستاهل اللقب أو بس عند حرب إنها جميله دمت بـ إقلاااااااااع أكثر دمت بووود[/align] |
ابشركم تم منع اي مزيين عد ام ارقيبه بس بعد الاحداث الموسفه
|
سمعت أن عتيبه بيحطون مثلهم
مهبول وطق له عصى !!!!!!!!!! |
اخوي اقلاع
انا قرأت موضوعك وبصراحه مضمون موضوعك جيد لكن ان تتعرض للقبيلة حرب وتنعتها بالعصبيه فهذا الشئ غير مقبول ابدا ممكن هناك اثنين او ثلاثه وضعوا بعض العبارات لكن لايدخل هذا الشئ في الهدف اللذي اقيم له الحفل صحيح ان مزاين الابل عاده اتبعتها بعض القبائل وهاهي قبيلة حرب تحذو حذوهم وانا بصراحه لاأحبذ الاسراف والبذخ في مثل هذه المهرجانات لكن لابد للاصاله والتراث ان يكون له نفس يعيش في المواطن واكبر دليل على كلامي هو استفادتك كم عدد الذود كما اسلفت لكن الاسراف بالنعمه ورميها فهذا الشئ محرم ولايجوز في الدين على العموم اخوي اقلاع اتمنى ان تعيد صياغة الموضوع اون تأتي بالمفيد فقط ولاتتهزأ بعادات وتقاليد المملكه العربيه السعوديه اذا كنت مواطنا تنتمي الى هذا الكيان العظيم ولكن اذا كنت غير مواطن سعودي فلك شأن آخر |
لم اقرأ كل المتن ولم اقرأ الردود ... لكني دخلت على اثر العنوان لاني تمنيت ان يطرح موضوع يتحدث عن هذا الامر لأقول (بعض) مافي نفسي....
هذا العمل (المسمى )_ المزاين _عمل من اعمال الجاهلية من حيث بعده الفلسفي ناهيك عن اطاره الشكلي... اعتبر الذهاب الى هذه الاماكن فعل تحرمه الشريعة ولذلك احرمه على نفسي فيكفينا المعاصي التي نحن عليها..... انصح الدهماء ومؤجري العقول وابناء العقل الجمعي ان يفكروا تفكيرا متحررا من سلطات الجمع .ولو لثواني فقط ...عندها سيدركون مدى تفاهة عقولهم... تعيق اضافي بعد قراءة الردود مسألة جزئية.... اقتباس:
من هم هذا الجميع؟؟؟ اقصد ان لفظة (بين) تدل على التباين بين شيئين أو اكثر من شيئين فهل وصفت لنا على اي اساس يكون التباين الذي كون هذا الجميع..؟ بالمناسبة اتفق معك في مداخلتك.. |
بكل صراحة
الكل يتحدث عن هذا التجمع المجالس والمنتديات والطرقات والاشارات والخباز والميكانيكي !ّ العالم تتقدم ونحن نرجع للوراء العالم يتكلم عن نووية ايران وتجربة كوريا الشمالية ونحن نلاحق ناقة شفتها طويلة بمقدار حركتين او سبع حركااات لازلنا نمارس الجهل بارادتنا !! ولا اريد الحديث عن احداث المهرجانات السابقة والكيفية التي تم بسببها حدوث لغط !! اتصالات كثيرة تدعوني للذهاب الى هناك ولكن عندما اتذكر انني سأتابع جمال حيوان اضحك على نفسي قبل ان يضحكوا علي الناس فأرفض الدعوة !! بكل صراحة نحن نسير عكس الآخرين ! لك اجمل التحايا اخي اقلاع |
[align=center]
اخوي اقلاع حتى الضياااااااع فعلا موضوع جميل فعلا لو كان الامر يهدف الى بيع السلالا ت وشرائهااااااااا فهذا رائع لو كان الهدف تبااادل المصاالح والتجاااارة كم هذارائع لو كان الهدف التعرف على الجماال وانوااعها فهذا لابأ س وهو تااريخ لمن احب الاطلاع ليذهب ويكتشف مااايشاااااااء لكن ان يكون مجااااااال خصباااااا 1) للتفاااااااااااااااااااااااااا خر 2) للعصبيااااات 3) الاسرااف والتبذ ير 4) للعداوات والمشااحنات والمضااربات واطلاق النيران فلا نحن بغنى عن ذالك لديناااا مااالدينا في حياااا تنا نحتااج فيه الى البحث والتحري العاام المااضي يقولون ان هناك جمل بمليون ريااااال تم وضع الرقااابة المشددة عليه عندماا كان المهرجان في مدينه حفر الباااااطن من قده البعير الغاااالي رقااابة مشددة ومحكمة !!!!!!!!![/align] |
اسراف
ولكن اين الجرئي الذي يتكلم عن ذلك في الصحف |
اخي العزيز لمبة شارع
مزاين حرب او غيرها من القبائل يتجزأ في ضرره وسلبياته إلى جزئين الجزء الأول وهو الأقل يكمن في المباهاة بالجمال والتفاخر بتلك الأبل وإن كان فيه نوع من السذاجه والغباء إلا ان ضرره على الأقل محصور بمن يمارس ذلك الفعل لكن الضرر الآخر الأخطر يتمثل بالمباهات القبليه بتلك التجمعات ولاتستغرب ان يفعل بالأبل كما حدث بسطل التمر ابو 800 ريال !! ليس الا من اجل التفاخر بين القبائل وهذا ماطلبت بالقضاء عليه إن كان ولابد من بقاء الأول بإختصار يجب ان تمنع هذه المهرجانات القبليه وان كان من الضرور اقامته فليكن مهرجان واحد يضم جميع الشعب تقبل تحياتي ,,, |
اقتباس:
عبدالله شكرا لتكرمك بالتعقيب واتفق معك في كل حرف ومثله معه لكني فقط اردت التنبيه على مبدأ التباري الذي اشرت اليه بالقول (بين الجميع) اذ ان مجرد جعل الامر نوع من التباري حتى لو كان بين الجميع سيعيد عرض المشهد بطريقة اخرى مرة اخرى على خشبة مسرح المزاين...انت ترى ما احدث السفهاء من اغنياء القبائل وفقراؤهم في محافل المزاين لما ترك لهم السلطان الحبل على الغارب وكيف ان هؤلاء لا يصلحون فوضى لا سراة لهم ولا يصلحون اذا ( سفهاءأغنياؤهم) سادوا.... الامر الآخر والذي او ان اضيفه هو اني ضد مفهوم المزاين من الفه الى يائه بغض النظر عن الممارسات الجاهلية التي تهيمن على اجوائه من الفها الى يائها... ياعبدالله حتى لو سلمت فعاليات المزاين من الممارسات المحرمة الكثيرة جدا والتي نتفق حول سوءها فسيبقى اصلها الفلسفي سااااااقط ... هؤلاء ياعبدالله شرعنوا اصل فعلهم على نص في القرآن يقر مبدأ المزاين وهي قوله تعالى(وَالأَنْعَامَ خَلَقَهَا لَكُمْ فِيهَا دِفْءٌ وَمَنَافِعُ وَمِنْهَا تَأْكُلُونَ * وَلَكُمْ فِيهَا جَمَالٌ حِينَ تُرِيحُونَ وَحِينَ تَسْرَحُونَ * وَتَحْمِلُ أَثْقَالَكُمْ إِلَى بَلَدٍ لَّمْ تَكُونُواْ بَالِغِيهِ إِلاَّ بِشِقِّ الأَنفُسِ إِنَّ رَبَّكُمْ لَرَؤُوفٌ رَّحِيمٌ * وَالْخَيْلَ وَالْبِغَالَ وَالْحَمِيرَ لِتَرْكَبُوهَا وَزِينَةً وَيَخْلُقُ مَا لاَ تَعْلَمُونَ* ثم ارتكبو تحت مظلة الايات كل مانسمع عنه من سيء الافعال ياست لا تزني ولا تتصدقي وفكينا من زناك ومن صدقتك.... اقول انني لا يمكن ان استوعب الاشتغال بالجمال في غير طريقين هما التربية لغرض اللحوم والانتفاع بالإبل في اغراض دفع عجلة الانتاج الاقتصادي تربيتها وتحسين سلالاتها لغرض السباق .... ويندرج تحتهما هواية الاقتناء المعروفة وهي هواية لم يرفضها الاسلام .. وآية سليمان عليه السلام في حب الخيل انتهت بأن طفق مسحا بالروس والاعناق ليس تحريما للهواية ولكن لأنه علم ان هوايته(المباحة) ألهته عن صلاة العصر حتى توارت الشمس بالحجاب(المغيب) القصد ان هذه الاغراض في التربية والاقتناء مقبولة عقلا وشرعا أما ماعد ا ذلك من الاشياء البسيطة كـ جمال تسلية الاطفال في المنتزهات وماشابهها فهي اقل من ان تكون ظاهرة فاحشة.... ولذلك لا استخدام آخر مستقل للجمال خارج هذه المباديء ... هذا من حيث الاصل لمفهوم المزاين الذي صار نشاطا مستقل رغم ان ذكره في القرآن ورد كـ شيء ضمني للاأغراض الاصلية التي اشرت اليها وكمحصلة ثانوية للغرض الاصلي... اذا ما اجتمع سوء الاصل المبدئي مع سوء التطبيق الشكلي فقد زاد الحشف سوء كيلة ...وصار كالسكران الذي يقول لن اصلي لأني سكران امتثالا لأمر الله تعالى في قوله((ولا تقربوا الصلاة وانتم سكارى... الاية) |
فعلا .... غريب أن تسكت الدولة على هذه الفوضى .
|
| الساعة الآن 03:10 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة