|
بنات كل وحدة تدخل وتقول لنا طريقتها في الكبسه وانتم ياشباب
انا والله مليت من طريقتي
خلونا نشوف كل وحدة وشلون طريقتها في عمل الكبسه وانتم ياشباب يالله عطونا طريتقكم مدري ليه كبسه الشباب احسها اسهل يالله ننتظر مشاركتكم |
وينكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
السلام ..يالله ابقولك طريقتي إن شاء الله تعجبك
جيبي قدر وقطعي فيه قليل من البصل وإبشري جزر وضعيه عليه زبدة المراعي وإحمسيه زين ( لاتستعجلين عليه) بعدين لأنحمس حطي بهارات وليمون اسود مابه ثقوب وحبات هيل كامله وعود دارسين وحبتين ماجي ثم ماء مغلي حسب مقدار رزك اللي يكون مربصته(منقعته) إذا كان بسمتي ساعه ساعتين بماء عادي وإذا كان بيشاوري ربع ساعة بماء حار المهم بعد مايغلي الماء ضعي الرز وإتركي النار متوسطة حتى يشرب الرز الماء ثم بعد ذلك خففي النار حتى ينضج الرز وبالعافيه ملاحظه ..نوع الرز وتاريخ إنتاجه يلعبان دور في كمية الماء ومدة الطبخ وطعمه ايضا هناك انواع كثيره من الأرز بس متعيجزه اكتبها الحين مره ثانيه إن مانسيت |
اهلين
اول عمل لفن الطبخ لدي هو لازم تتاكد من اغلاق جميع منافذ الانف والعينين لكي احمي القدر من التقطييييير بعد ذلك ياهووووووه تراني مليت لغه عربيه همن اجيب حقت تقطيع البصل مادري وش اسمه بكيفه الشاهد اني اكشن البصل اول اذا كنت ابطبخ لحم لانه يختلف اللحم من الدجاج هذا له تكشين وذا له تكشين غير الدجاج عادي يجمع البصل والطماط سوا نلعب هوا اما اللحم فلالالالمخدرات لان طبيعة الطماط تخلي اللحم قاسي ويجزز اما الدجاج عادي طيب كشنا وخلصنا نجيب اللحم ونقطعه قطيعات صغيره كبر الاصبع الدبي مرتين ونخليه ربع ساعة همن نجيب سلمكم الله الفلفل البارد لانه له نكهه !!!!!!!! ياسلام وخاصة باللحم ونصب عليه suose soya عصير الصوص ونخلييييه لمين تنتف اللحمه بعدين تشال اللحمه بلحاله بمقلى عشان مايروح الطعم ونكب الرز بوسط القدر الاول حق اللحم مع كشنه اللحمه ولعبنا علي الرز يحسب الكشنه والتعب له مايدري انه كان به احد قبله مثل راعين محلات المغاسل يغسل الثوب بمغسله به ماء ماغيره له اسبوعين ويبخبخ من اطياب المغاسل اليييين يدوخ الثوب ماعلينا منهم خلونا بموظوعنا همن نقصر عليه لمين ينش اذا نش وشميتوا ياماللا النخره ريحه الرز فاحت افتحوا شنق الغطا وصكوا عنه همن جيبو فنجال به ملا ملعقة حلا سمنه وحطوه بوسط الفنجال همن جيبو جمره ولا تمره ( تذكرت ياحبيبت اللولو ....) جيبو جمره وحطوه بوسط الفنجال بعدين حطو الفنجال بوسط القدر بسرعة وصكوه بسرعه عشان التشتشه ماتطلع برا وحاولوا انكم اتصكون الغطا مزبوط عشان مايطلع بخار الفحمه للمعلومييه هذه الطريقه لاننصح بهاكبار السن لانها تحوي على الكربون الناتج من الفحم بس مايظر اللي راعي حركه تقل بس بعد مظي 5 دقائق افتحوا الغطاء ووخرو الفنجال اللي مايمد للطواااف من الروايح تقل ريحه يماني يبيع عسل همن انتسبوه يماللمر !!!! وشكرا تنويه (نعتذر عن الاسلوب الغير لائق بمقامكم ) لتنويرنا بفن الطبخ t149900@hotmail.com |
مع كامل تقديري لبنات حواء
إلا أنهن يضيعن الوقت كثير في الطبخ <<<حاااااااااااار يعني كشن لاتكشن مالها داعي قطع البصل مع الليحمات والا الدجاج وعلى الكاتم على طووووووووووووووووووول مع بهاراتك وحركاتك 20 دقيقه وحط الرز 10دقايق وانت حاطن الكبسه اللي يحبها قلبك يعني مشوار 30 دقيقه بس بس هاه ترا الكاتم مايصلح للحريم مايعرفون يصكونه زين ياويلي ...وإذا صكته زين عجزت تفتحه هههههههه |
كل شخص وله طريقته بس أنا أقول
|
أقووووووووووووووول...
لحظه شووووووووي.. دقيقه........ |
الطريقه نفس اللي قالوا::
بس أنا أنصحكم إذا جيتوا تكبون الرز أنكم تصفون ماء اللحم قبل ولله أن تطلع الكبسه خيــــــــــــــــــــــــــــــــــــــــــــــــ ــــــــــــال... وعلى فكره قبل ما(تنتسبون)الرز...إفتحوا الغطاء ورشوا شوي زبت أو سمن يطلع لكم شغل رهيب..هذي كبسة البيت ***نجي لكبسة البران والمكاشيت: .نفس الطريقه السابقه بس نحط((10حبات ثوم+10حبات حبحر حار))ولاتنسو شطة سومطره!!!!! سلااااااااااااااااام..,,,, |
الصراحه انا ما اعرف اسوي كبسه
بس ازينلك تسال الشباب لاني سامعه ان الرجال ازين طبخ للكبسه من الحريم :a1: |
مايبيلها
كلام؟؟ والله يعين فارس احلامك راح وطي لحس فكس |
بعد ننتظر كبساتكم المميزة
|
ماتبون
منقلبه قصدي مقلوبه اذا بغيتوا نقول لكم الطريقه لكن الحين مشغولللللل عندي غسيللللل الله يعدي عنكم بباي ذا ساي ذامان تووت تتووت |
وينكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الله الله نبي كبسات |
تبووووون طريقه الحلاوه التركيه
اللي تقل حنيني ....؟ اذا بغيتوا علمون ...؟ |
| الساعة الآن 12:26 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة