قالت أبيك تقول فيني قصيده
 

[align=center]
جتني تعاتب والعتب تستزيده
يا زينها ويا زين حتى عتبها
=
قالت تجيد الشعر ؟ قلت إيه أجيده
( هي جت كذا ) لازم أنفذ طلبها
=
قالت أبيك تقول فيني قصيدة
أبي الجموع تصيح منهو كتبها ؟
=
ابي القوافي والمشاعر فريدة
ابيك تتعبني وأحس بتعبها
=
أبيك تلعب في بحورٍ جديده
أنت الوحيد اليا لعبها .. لعبها
=
تكفى طلبتك يا جناب الوليدة
جبها على الطاروق يا شيخ جبها
=
المشكلة طفلة وطفلة عنيدة
قبل سنة قطت بقايا لعبها
=
واليوم سيد الناس تصير سيده
كم سيد قوم جا لبوها خطبها
=
يلعن ابو جد الشعور وكديده
إن كان ما ولّد قصيد بسببها
=
الزين من ربي ويعطي عبيده
مهي من اللي زينها في ذهبها
=
وإذا نوت حي تكيده ... تكيده
يا قبلة الله يوم ترخي هدبها
=
ويا شعرها لامن عصاها تعيده
للخلف ويغطي مثاني ركبها
=
والطول يا أهل الطول عنق الفريده
طولي إذا قطت صغيّر كعبها
=
وشلون أعدد من صفات عديده ؟
يكفي تأدب جيلها من أدبها
=
عندي قريبة بس عني بعيده
وهي مسألة صعبة على من حسبها
=
يا الله عساني قلت فيها قصيدة
وعسى قصيدي يا جماعة عجبها


منقووووووووووول [/align]

سلمت يمينك اختي الغاليه الملتاعه على هذا النقل والاختيار الرائع والجميل
والله يوفقك ويسعدك يالغاليه
دمتي بالف خير وعافيه

سلمت يمينك اختي الغاليه الملتاعه على هذا النقل والاختيار الرائع والجميل
والله يوفقك ويسعدك يالغاليه
دمتي بالف خير وعافيه

البراق

مظلومه

شاااكره تواجدكم الطيب

الله

روعة القصيد


منك

ياملتاعة

قصيده رائعه


مشكوووره يالملتاعه على النقل

تسلمون على الطله الحلوه