هل تشجيع المنتخب السعودي دليل على حب الوطن
 

بسم الله الرحمن الرحيم

في البدايه لنكن صادقين مع انفسنا ونجيب على هذا السوأل بكل تجرد وصراحه

هل ترغب في فوز المنتخب السعودي في مباراته القادمه امام تونس ؟ ولماذا؟
بالنسبة لي اتمنى ان ينهزم 0-8

وساوضح الاسباب التي دعتني لذلك في ردي القادم

مرحبا بك أخي الكريم ..

نعم تشجيع المنتخب .. حتى و انا ما اعرف أسماء اللاعبين .. هو مشاركة وجدانية .. و من الولاء و الانتماء

للوطن ..

رفع العلم الأخضر في محافل عديدة مشرفة .. يجعلني أحس بـ نشوة و انتصار .. و فرح :)

اتمنى أن يفوز على تونس .. أو على أي أحد المهم يفوز ..

و عموماً فخر لنا وصوله لـ ألمانيا .. و المونديال ..


و اتمنى ألا تنقل محاضرة الشيخ .. أمس على قناة المجد الصراحة نسيت اسمه ..

لكن كان يتحدث عن الأموال الضائعة في بطولات المونديال .. و أساليب النصب و النهب ..

التي تواكب الحدث .. :)

تحياتي ..

و

قدام قدام قدام يا الاخضر ..


** ربنا يستر **

االله اعلم يا الذاهبة لو انتي المانية كان ممكن تصيرين مثل ذوليك اللي يطلعن بتقارير كاس العالم مصبغات وجيههن ويناقزن تقل مقروصات !!!! بس الحمدلله انك بنت رجال ماسكينك عن الصرقعة

وبعدين اي مشاركة وجدانية ياشيخة!!! يعني انتي تشاركين كريري ومحمدنور وطقتهم والله ما جابو خبرك




اما بالنسبة لي فمن امتع الاشياء هو تكرار الثمانية صفر مش عشان انا مش وطني والا ما احب بلادي... لا عشان انا احب اضحك لين يسمعني اللي في الشارع الرئيسي

والوطن ماشي على بركة الله بكورة والا بدونها


واذا جاء اجنبي في يوم وقال لي يحوووووووول غلبوكم تونس بعرف ارد عليه ان شا الله
وبعدين هم ماغلبونا هم غلبو كريري وطقته.....وبعدين ترى مدري منهو كريري هذا بس اسمع العيال يقولون اسمه وصراحة اعجبني الاسم111 يصلح اسم سيارة 2006دفرنسين

وش هالسيارة الجديدة الروعة؟؟؟!!!

والله هذي كريري الفين وسته تماتيك فل كامل<<<<<شف روعة الاسم لو هو لسيارة


مع اني قاط مع العيال بجهاز اي ار تي وحاط 241 ريال قالو هي نصيبك من القطة والى الحين ماشفت شي

بس شفت ذاك اللي اسمه عدنان حمد يهمق مثلي كذا مع شلة ويقولون انقولا ساحل العاج مهدي بيكيا مدري ايش


المهم ياذاهبة اتركي الكورة ترى يقولون تسبب تساقط الشعر والثعلبة وتقصف الاظافر

لمبة شارع ..

وراك طنشت راعي الموضوع .. هاهاهاهاهاها

عموماً أشكرك استاذي للنصيحة ..

ولكن :

معليش هذي قناعاتي .. ريري ولا مهب ريري

ما يرفع ( لا إله إلا الله ) عالياً ..؟!

والله مشكلة هاليومين الواحد يقول الصراحة يبلش !!


لاازم نصير مثل رأيكم .؟؟

ليه تسألونا طيب ؟!

:)


(((( مع اني قاط مع العيال بجهاز اي ار تي ))))

وليه تقط ؟

معناته أنك مقتنع و عقلك الباطن مؤيد لهالقطية !!

فالأفضل إنك تتابع المباريات و تشجع بلدك ..

زمشغلتنا على الصبح وطنية وولاء ومشاركة وجدانية والتوقيع انواع الحماس وآخرتها ريري!!!!

مهوب ريري ياجاهلة كريري<<<<الكاف تبع الاسم ماهي كاف التشبيه....


الذاهبة سكري بس ورحي نامي اصرف لك وادعي للمنتخب ترى بضعفائكم تنصرون...

وبعدين انا قطيت لان ليس لي خيار آخر فإما القطة او اتهامي بعدم الوطنية وانا وطني وغيور واحب بلادي واذا شفت ابومتعب بالتلفزيون قمت ادعيله وتجيني الصيحة من الحماس

هه !

كريري .. الكاف سايلنت .. ما تنطق ..

مثل :

Night

gh= سايلنت برضه !

عشان كذا قلت : ريري ..


طيب بنام إن شاء الله بس حبي و ولائي للمنتدى ما يخلي النوم يجيني ..

و يضع سره في أضعف خلقه .. إن شاء الله بدعي لهم يفوزون ..



في أسوأ الظروف .. حاول تتعلم مني الاستقلالية و إبداء الرأي ..

و تجنب التبعية في كل شيء .. كل شيء !! حتى القطه !

أثبتت كرة القدم شعبيتها الاولى على مستوى العالم وليس فقط في السعودية , تجد المقاهي والساحات والمدرجات تمتليء عن بكرة أبيها عند وجود مبارا تنافسية بين أي ناديين عالميين ,
كرة القدم فيها حلاوة وحماس لايعرفها الا من تابعها أو مارسها , فكيف أذا خالطت تلك المتعة علم الوطن وعزف السلام الوطني في محفل دولي كبير , ليصبح حتى غير المهتمين باللعبة في أشد اهتمام لها , تعبيرا لمدى المشاعر المخلصة للوطن , وهذا يثبت أن كرة القدم أصبحت تلعب دور السفير في التجمعات العالمية , فيها يرفع علم الوطن وفيها يعزف السلام الوطني وأكثر من ست وستين الف متفرج سيحضر المباراة القادمة هذا غير عدد المشاهدين الكبير على مستوى العالم ,
وكما قالت الذاهبة
معك يالاخضر , حتى ولو اتخمونا بثمانطعش صفر :) , [blink]وياسلامي عليكم يالسعودية[/blink]

والله التشجيع لايدل على حب وطن ولا شيء

المسألة كلها كورة وضياع وقت

ومن قال انهم يرفعون رؤوسنا فهذا دليل التخلف لأن رفع الرأس بالاسلام ما هو بالكورة !!!!!!!!!

بعض العقول تفكيره ضحل جدا وتتوقع منه اي شيء ! ولا وشدخل حب الوطن بحب الكورة


تحيتي لك اخي على الموضوع الذي جعلتنا نحرك شيئا من المشاعر

نعم دليل حب الوطن
وكيف لاء وهو منتخبنا
وكل شيء اخضر نحبه

طبعا دليل حب الوطن ( واللحمه مهما كان تنط من القدر ....)

وباذن الله اتوقع كسب 6 نقاط والتأهل للدور الثاني باذن الله
وحقيقة يكفينا فقط ان نصل وترفرف رآيتنا هناك ولو هزمنا الف / 0 لايهم .... المهم اننا برازيل آسيا
ولأربع مرات متتاليه نصل

يامشرفين انصفوني من الذاهبه
بصراحه تفاجئت كثيرا من حذف الذاهبه لردي على ما قالت على الرغم من انه لا يخرج عن نطاق الادب
فهل المشرفون نائمون ؟؟؟؟؟
ام ان المسئوليه اعطيت لمن لا يستحقها؟؟؟

الاخ لمبة شارع يبدو انك قد اطلعت على ردي المسلوب هل كان يحتوي على اي مخالفه؟

المدعوه الذاهبه اذا كنتي غير قادره على اقناع الناس بكلامك واجبارهم على اتباع ماترين فدعيهم يعبرون عن ارائهم
الاقصاء وحذف الردود اسلوب الضعفاء

الاخ الكريم وحي العقل 00

الاخت الذاهبة مشرفة عامة ولها رؤيتها الخاصة التي نحترمها ونقدرها واذا كان لديك اي شيء آخر فهناك مكان مخصص للشكاوى نرجو تسجيل ملاحظاتك فيه

تحية لك مرة اخرى

كم كنت اتمنى أن تكون مشاركة المنتخب السعودي في اكبر محفل دولي اكثر فائده وجدوى

لخدمة الوطن والدين وليس للفشخره اللي مالها داعي ...

تصدقون ان الوفد السعودي مستأجر 84 غرفه في الفندق ...!!

أكبر وفد في المنديال ...

الملايين تبعثر في غير محلها ...!!

والغلابه المساكين في وطني لا يجدون لقمة العيش ...! يا للعار والخزي ...

_________

وافر التقدير و الإحترام للكل .

بصراحة كلام الأخ علقم غريب يقول اللي يرفع الراس هو الأسلام وكأنة قاعد بمركز توعية الجاليات ويقنعنا بالأسلام يا أخي نعرف ان الأسلام هو المصدر الرئيسي لقوتنا وهو اللي يرفع روسنا ولا أحد تطرق اهالموضوع لا من قريب ولامن بعيد ولكن الأسلام ما حرم الكورة ولا حرم حب الوطن ولا حرم التشجيع وان شاء اللة المنتخب يبي يفوز على تونس وغيرها ويرفع روسنا بين الأمم غصب على اللي ما يبي ومن وجهة نظري ان تشجيع المنتخب يعكس حب الوطن لأن لاعبين المنتخب ما يمثلون أنفسهم بل يمثلون الوطن 0

استاذ وحي العقل :

ردك السابق كان تهجم على شخصي ..

حاول ترد على الموضوع نفسه .. و علّم نفسك أولاً (( ألا تجبر الناس على ما ترى أنت ))

** المدعوه الذاهبة :: شدعوى !! :)