أمي و أختي يصرخن بصوت واحد :: من نصب الجوهرة الوابلي لتمثل نساء القصيم ؟ :: (صورتها)
 

http://www.buraydh.com/forum/attachm...id=17019&stc=1
الصورة : قصاصة من جريدة الوطن : الأثنين 17/11/1426هـ العدد 1937 صفحة رقم 34 - منتدى المرأة

يوم الأثنين الموافق 17/11/1426هـ عندما دلفت إلى البيت أحمل لبني المفضل نجدية _ دعاية مجانية _ وصحيفتي الوطن والإقتصادية رميت الصحفيتنين على الأرض وطبعاً لابد أن أبدأ بجريدة الإقتصادية _ علشان أتابع أخبار الأسهم طبعاً _ أنهمكت في قراءة التحليلات و الأخبار الإقتصادية وفجأة وإذا بأختي بجانبي تصرخ بكلمات لا أتذكرها المهم أنها أفجعتني قلت " وش السالفة "

[align=center]ما عليش بنقلب لهجة عامية ...[/align]

قالت : شف مديرة جمعية الملك عبدالعزيز النسائية حاضرة حفل سامي الجابر ولابسه حجاب الكف والحفلة به موسيقى وإختلاط وبلاوي

قلت له : طيب يا أختي هي حرة يمكن أنه ترى القول بجواز لبس حجاب الكف


قالت أختي : هي حرة ترى لبس حجاب الكف تسوي اللي تبي أنا مالي و ماله لكن اللي أنا أعترض عليه أنه تروح تحضر حفلة علشان تعيين سامي الجابر سفير للنوايا الحسنة و الحفلة كله رقص و موسيقى وإختلاط وكل هذا تسويه وهي كما هو معروف من تمثل نساء القصيم يعني هذي نقطة إعتراضي ..

عاد أنا ما صدقت خبر شفت أختي معصبة قلت فرصة أرد له بعض حركاته : قلت إيه يالنصراويين : " اللي ما يطول العنب كيف الحال .."

عاد أمي حطت الغداء سمعت صراخنا دخلت بالموضوع .. قلت عاد وشلون أبشرح لأمي السالفة .. قلت مالي إلا أكمل قرأيتي الجريدة وأخلي أختي تتولى الشرح ..

والله شوي .. شفت أختي جادة بالموضوع وبدأت تتكلم عن هالحرمة وأنه الحين كل مدينة يرشحون مجموعة نساء يمثلونهم بالإجتماعات و الحفلات الرسمية و منتديات الحوار والحين حنا عندنا أشياء كثيرة لازم المرأة تشارك به .. وأنه إذا حنا خلينا مثل هاذي هي اللي تمثلنا راح تتكلم بأسمنا و تقرر بأسمنا وحتى تعيش على أسمائنا .. وأنه مثل هالحرمة ما وصلت لهذا المركز إلا بتقديم أنواع التنازلات وفيه عشرات من الحريم أفضل منه بجميع النواحي ... ومن هالكلام ..

الزبدة والله و أعجبن شرح أختي لأمي .. قلت ياولد الموضوع جد .. ماله داعي تصير أختي قدام أهلي أنه أكثر ثقافة من ..

رجعت وقفلت جريديتي الإقتصادية ودخلت معهم بالسالفة .. والحين أول لازم أرضي أختي علشان يعطونن وجه ..

قلت لأختي والله إن كلامك عين الصواب .. الموضوع هذا جد .. ولازم حنا نوعي الناس بهذا الموضوع .. وقلت له أنا أوعدت إني أنشر هالصورة بالإنترنت وأعلمهم وش تسوي اللي تمثلهم مستأنسه بهالموسيقى والرقص و إختلاط وتصرح على كيفه وكل ذى بأسم أهلنا وأخواتنا .. القوي يأكل الضعيف .. دكتاتورية وحنا تونا مسوين إنتخابات بلدية مايصير ! و علشان أوعي الناس أنهم لهم الحق أنهم يطالبون بحقوقهم ويختارون من يمثلهم ..

إذا الجوهرة الوبلي والله ترى حجاب الكف أمي وأختي ما يرونه وفيه عشرات المثقفات ممكن يمثلون المنطقة مع إلتزامهم بالضوابط الدينية كلها بغض النظر عن المسائل الخلافية .. وهذي تعد بسيطة عند غيره من الأراء التي هي شخصية و يتكلم بها بأسم الجميع ..

عاد الصدفة إن منتدى بريدة مسوي مقابلة مع الأستاذة / الجوهرة الوابلي .. لكن يقولون ما عطتهم و جه .. وهذاهم قاعدين يلاحقونه .. وبتسويلي فيها أنه مشغووووووووووووووووووووووولة ..


شاهد الفرق : ( لا .. تعليق )

http://www.buraydh.com/forum/attachm...id=17020&stc=1


[align=center]الزبدة : [/align]

أنا طرحت الموضوع .. وأبغي رأيكم .. ترى أمي و أختي نشبين بحلقي .. سامعين أن المملكة أنظمت لمنظمة التجارة العالمية .. وإن الدعوى اللحين موب لعب فيه جمعيات حقوق إنسان وشغلات حركة .. و الله توي أدري أن أختي موب سهلة .. و أختي مبحلتن من أول ما قريت الخبر .. لكن كل الأسبوع اللي راح وأنا عندي إختبارات وتوي أفضي أنزل المقال ....

[align=center]أنتظر رأيكم بالموضوع .. لأنه طفح الكيل " على تعبير أختي " !![/align]

أخي الكريم00تحية طيبة00


هل اجرمت ؟هل خرجت من الاسلام ؟!

تظل استاذة لها احترامها وتقديرها 0

تحياتي لك0

[align=center] السلام عليكم ورحمة الله وبركاته


أخي العزيز .. يعتمد


حقيقة .. أنت فاجأتني بهذا الخبر الغريب والمؤسف جداً :eek:


لكن يا سيدي .. تظل جوهرة الوابلي .. تمثل نفسها ومن يهتدي بخطاها الراقصة .. لاغير


أخيراً

إذا كان الخبر الذي أدرجه ( يعتمد ) .. صحيحاً .. موثقاً .. لايخرج عن حرفه :

فأنا أتقدم بعزائي ورثائي .. لعائلة الوابلي العريقة ... هذا التمثيل المخزي والمزري لأبنتهم جوهرة .



أعذب تحية .. لكل فتاة تتلفع با الحياء والحشمة والستر

ياأخي حط صورتها واضحه خل أنطالعهاكويس هي مزيونه أو لا
مادامهي ظهرة في الجريدة فليش تطمسها

ياساتر هل وصل الحد في المنتدى ليكون مكان لتصفية الحسابات بين النسوة


والله لا نعلم ولكن لو كانت هي أعتقد أنها بلباسها الشرعي العباءة والحجاب ولم تكن متبرجه

والحجاب عموماً فيه خلاف والشيخ الألباني رحمه الله يقر بأن الحجاب هو كشف الوجه

[align=center] ::يعتمد::

سلمت يمينك

ولكن يبدو أن الغيرة قد ماتت عند رجالنا

عزائي إليك ياأمتي

تحياتي لكل مثقف مستقيم

[/align]

أخوي عبدالله 30

لم أقل عن الأستاذه الجوهرة أنها أجرمت أو خرجت عن الإسلام ؟
ولم أقل أن الأستاذة الجوهرة غير محترمة أو قللت من شأنها !

بالعكس الأستاذة الجوهرة لها رأيها و أنا قلت من حقها أن تفعل ما تريد ، وهي منا و فينا ..

ما أريد إيصاله أن أمي و أختي لا يرضوا بأن تمثلهم الأستاذة الجوهرة أو غيرها إلا وفق ضوابط محددة .. في الوقت الحالي الأستاذة الجوهرة لا تتوفر فيها هذه الشروط ..

رجاءاً أخ عبدالله30 .. لا تستعجل الله يهديك .. لأن مدرس اللوطنية بثاني ثانوي ثال لي فهم السؤال نصف الإجابة !

أخي يعتمد00

وانا اعرف عجوز بعريفجان ساحوق تقول مانبي هاللي بالموتمر الوطني يمثلوننا !!

وعرف شايب بقبة رشيد يقول ان اعضاء مجلس المنطقه لايمثلوننا !!!

خلاص قل لمك وختك نبي نوخره باسر وخلهن يختار وحده تمام0

تحياتي لك0

اسمع كلاماً واشوف واقع اخر وصلت الى هذي المرحلة .............بعدين وش صار على المقابلة هي ردة عليكم يا مشرفين بصرحه شي ما يشرف

اخواتي واخواني

مانبي جوهرة الوابلي تمثل نساء القصيم , لاننا ما نرضى باللي تسويه ,
ياناس اسمعوا كلامه وشوفوا ردوده بالاستضافة في هذا المنتدى كم هي بايخة ومبهمة ولا تصل للجواب والحل إلا بطرق ملتوية لا يفهمها إلا الفاهمين لطريقتها

وبعدين استغرب كلما جاء طاري الحجاب قلتوا فيه اختلاف والعلماء ما اتفقوا ؟؟؟
ياناس نرجع لكتاب الله الذي قال (( وليضربن بخمرهن على جيوبهن ....)) ماهو الخمار في اللغة العربية ؟؟؟ الجواب هو التغطية . طيب ما معنى خمري العجين ؟؟؟ الجواب غطي العجين كاملا حتى يختمر . والنساء تعرف انها عندما تريد ان تختمر العجين وجب عليها التغطية الكاملة لها لتحصل على النتيجة المطلوبة . وبعدين كلمة على في الاية تعني فوق.

عذرا هذا شرح مبسط للحجاب الشرعي الصحيح , واللي ينهقون بأن الحجاب هو تغطية البدن دون الوجه اقول ياناس أين مكمن ومقياس الجمال في المرأة ؟؟؟؟ أليس عندما نريد أن نقول هذه جميلة وهذه قيبحة على العموم ننظر للوجه ؟؟؟؟ إذا ما امرنا الاسلام به هو تغطية كامل البدن وخاصة الوجة لانه مقياس الجمال .
وشوفو رد احد الاعضاء عندما عارض كاتب الموضوع لماذا طمس الوجه ؟؟ لماذا لم يجعله يعرف مدى جمالها ؟؟ مع أن بقية جسدها طاهر له باللباس , ولكن لم يستطع أن يعرف جمالها إلا من خلال وجهها .

اخيرا بسبب افكار وتصرفات المذكورة لا نرضى أن تمثل نساء القصيم المشهورات بالتقوى والورع والتمسك بالقيم الاسلامية الاخلاقية ووووو واللي يبي التوفيق بحياته الزوجية يأخذ قصيمية .

انا أرشح شقردية تمثل نساء القصيم ...... صوتوا ..بس بقوة علشان يسمعوننا ....

السلام عليكم ورحمة الله وبركاته



مشكور على طرحك الرائع ولكن وصصش قصدك حنا ما نمثل نساء القصيم