اللي تحب الليمون الاسود تجي تسويه
 

السلام عليكم ورحمة الله وبركاته



كيف يمكن تحويل الليمون (ابوزهيره) من حالته الطبيعيه إلى اللون الأسود ؟

تجفيف الليمون ..
خذي الليمون واغسليه وبعدين حطيه في صينية كبيرة كل حبة بحبتها لا تحطينهم فوق بعض وبعدين حطيهم تحت

الشمس فوق السطح أو في البلكونة وممكن ياخذون وقت تقريبا اسبوعين أو ثلاثة بس نصيحة اتركيهم وانسيهم لا

كل ساعة رايحة تطلين عليهم ولا تلمسينهم بيدكي اذا لمستيهم بيختربون خليهم لحد ما يحترقون في الشمس

وينشفون ..


وطبعا رح يكون لونهم بني بعد التجفيف ..

ممكن تتغطى بشاش للنظافه بس بعد ماينشف.

وبعد كذا حطيه مع المطازيز او الكبسه وبالعافيه على قلوبكم. :)

السلام عليكم ورحمة الله وبركاته

مشكوره أختي أم المقداد على هالتوضيح بس خوذيها مني مافيه وحده تبي تسويها

الحين يبون كل شي جاهز يشرون المطازيز والمرقوق والمراصيع والمصابيب<<مابقى شي

تبينهم يزينون ليمون يابعده<<<ههههههههه

وي اثر الليمون الاسود هو نفسه اللومي


وانا كنت احس فيه تشابة بس هذا مطول بالشمس

عموما طالما انه فيه جاهز ماعلينا


وخلي ابو زهيره للعصير

احسن مايدعون عليك اصحاب محلات العطارة اذا طاح سوق اللومي

هلا اخوي البراق 999
وش دعوه ذكرتك المطازيز!!
تراه مايبيله شي بس البنات يهابنه
يحسن انه صعب..وهو عباره عن مرقة لحم
يضاف لها حبات المطازيز فقط لاغير..
والحمد لله الحين المطازيز ينباع جاهز
ولاهوب شطاره الواحد يقعد يعجن ويمطرس
بس علشان يثبت السنع..
الحمد لله بهالزمن ربي سخر لنا الكثير من التيسير
فالافضل ان نأخذ باليسر..
اشتره يابراق لزوجتك تراه بتدعي لك..فيه بمخابز التاج
ببريده..واتوقع الحين بمعظم المخابز ومحلات الحلويات
يوجد ..بس اسأل عن البر الخالص.

هلا رمش الليل
مشكور على المرور

هلااااااااا بسيدة الحور
يامرحبا(ن) بك
ايه نبي الجاهز ان حصل لكن
مثل هالاشياء السهله مافي
مشكله لو جربت الوحده ..
لان لي تجارب مريره مع العطاره..
اكثرهم ماهنا ذمه للاسف.
مشكوره يالغلى على المرور.

هلاااااااا والله بدردب..
والله وانا اختك حقون العطاره لاصار
شغلهم بذمه ماهم خاسرين..
لكن انا اشجع الاكتفاء الذاتي << جات على الليمون :(
مشكوره يالغلا على المرور.

أثر اللومي تسذااااااااااا

طااايب وش يضمني أن البزورة ما يخربونه علي؟؟

وشلون أتأكد انه موب مر؟؟

دام الدعوة فيها لومي

من ببريدة يبيع لومي موب مر؟؟

يميمي

اموت في طعمة مع المكرونة او المطازيز

والله حركه>>>>>>>>>>>>إكتشاف

أم المقداد ماعليك أمر

وشلون أسوي حبحبر دقاق<<<<<<<<<<<<<<<كذا يسمى :o

بس ياليت من غير سطح :o

وبصراحه الليمون مع المطازيز والمعكرونه شيء

ذكرتيني فيه :)

ماننحرمش

هلا شقرديه
نجيبلك من اللي تبين لومي بس
تبي تزينين ليمون اسود :)
وفعلا اصلا هو مايطلع رهيب الا بالمطازيز.

هلا عبوره عاد وشو حبحر دقاق
يعني نحاف ولا يابسات ولاوش السالفه
تراي من الجيل الجديد ماعرف هالكلام :)