يحق لي انقهر و إلا لا؟؟؟
 

صار لي موقف الاسبوع اللي راح .. وبالتحديد يوم الاحد..

موقف ماادري أقول عنه.. مضحك.. مبكي .. عادي.. غريب ..

اسمعوه واحكموا:
من زماااان وأنا اسمع عن مركز" الهرم "بالرياض.. وأن بضاعته ممتاز ه وتجنن
خاصة ملابس البيت .. من بيجامات للأطفال .. وبدل.. وبلايز.. وغيره

المهم: ماحصل لي من دخول الشتاء أروح للرياض ..
وفي يوم الاحد الماضي أخبرني زوجي أنه بيروح للرياض الظهر وبيرجع بنفس اليوم " بالليل"
وأنه يرغب أن أرافقه في الطريق ..

أول الأمر ترددت .. علشان الدوام .. لأني أطلع الساعة الظهر
وأكيد بأكون تعبانة ومرهقة

ومع اصراره فكرت أن استغل هذه الروحة بالذهاب لسوق " الهرم"

فاشترطت عليه ذلك . فوافق على الفور ..
فتوكلت على الله .. وسافرنا ظهر الأحد .. بعد ماطلعت من المدرسة مباشرة ..
وانطلقنا بعد صلاة الظهر مباشرة ..

وفي الساعة الرابعة عصرا دخلت مركز الهرم.. بعد أن تركني زوجي
وذهب لأداء عمله اللي جاء علشانه..

فأخذت معي عربة" سلة" ودرت المحل .. مكان مكان.. ركن ركن..
ماخليت شيء إلا فتشته.. قلبت كل بضاعة المحل..
واللي يعجبني على طول أحطه بالسلة...

عاد تصوروا معي.. قعدت العصر .. وبعد المغرب ..
وبعد العشاء ..وأنا ماطلعت من المحل .. لان زوجي ما انتهى شغله ..

فكانت فرصة كبيرة لي إني أدور على راحتي.. وانقب عن كل شيءبالمحل ..

ولما صارت الساعة العاشرة .. اتصل زوجي علي وقال: إنه في الطريق ..

فقلت بنفسي: ابستغل هذا الوقت .. وبأصعد فوق .. أشوف النظرة الاخيرة ..
طبعا أنا وقفت العربة .. عند الدرج .. كعادتي دائما في أي محل ..
وصعدت فوق ..

ثم اتصل زوجي فنزلت من فوق ليحاسب على مااشتريت ..

بحثت عن العربة في مكانها مالقيتها ؟؟؟؟

دورت حوله مالقيتها؟؟؟

سألت العامل .. قال ماأدري؟؟؟ ماشفت شيء؟؟؟؟

زوجي واقف عند المحاسب ينتظرني .. وأنا أدور سلتي..
أدور تعبي كل العصر والمغرب والعشاء؟؟؟؟

ياالله وين راحت العربة؟؟؟
قلت لزوجي السالفة.. فبدأ يدور معي .. بس مافيه فايده ..
العربة اختفت..

مو معقول؟؟؟
بصراحة مرت علي لحظات قهر وغيظ .. الله وحده يعلم بها..

كدت أبكي من الغيظ..

هالحين ضاربة مشوار للرياض .. وجاية بعد دوام .. وبوسط الأسبوع
وبروحة كلها سرعة في سرعة.. وقعدة بالمحل من العصر لليل ..


وآخرتها .. راح كل شيء ..
ضاع تعبي.. وبحثي..


تدرون أيش كانت نهاية هذا الموقف؟؟؟؟
طلعت من المحل ... مثل مادخلته ... يعني " أيديني فاضية"
بمعنى آخر " رجع بخفي حنين"

لأن زوجي قال لي: بسرعة خوذي اللي تبغين .. ورانا طريق ودوام .. نبي نمشي قبل مايتأخر الوقت..

لكن أنا من القهر زعلت وقلت خلاص ماأبغى شيء ...

معليش الغلطه غلطتك..
حنا متعودين لابغينا نروح فوق ننبه
حارس الامن اللي واقف قريب من الدرج
ان مااحد ياخذ العربيه..
خيرها بغيرها ان شاء الله ..
يمكن مكتوب لك بضاعه احلى من اللي
اخذتيها :)

[align=center]لا تزعلين ياعزيزتي ماتدرين وش الخيره فيه
اهم شي انك رجعتي سالمه انت وزوجك من الرياض[/align]

والله بصراحة ما تحسدين عليه
خصوصا الهرم وبضااائعة مغريه للنساء ولكن اقول الله يخلف وزين انك ماحاااسبتي ولكن خيرها بغيرها ..

احمدي ربك انك انتي ما ضعتي

والله لو مكانك اصيح


وافشش كفرات زوجك:b4::b4::b4::b4::b4::b4::c6::c6::c6:

يااااااااااااااااااااابعدهم الا يحق لك وزياده

لاكن مثل ماقالو ربعنا اهم شي الفلوس معك

بعدين الهرم حلو ورخيص بس والله ما مثل

....سامره شي....احمدي ربك

رمش الليل:
فعلا شيء أهون من شيء .. فالحمد لله إني ماحاسبتهم
وإلا كان قهري أعظم وأشد..

أم المقداد: انا كل عمري هذي طريقتي .. وهي إني لما أصعد
فوق ..احط العربة عند الدرج .. وأصعد .. ولما أنزل ألقاها في مكانها ..
مثل ماخليتها .. وماعمري قلت لاحد ينتبه لها .. لكن صدق المثل" مهب كل مرة تسلم الجرة"

بنت الشرقيه" فعلا " وعسى أن تكرهوا شيئا وهو خير لكم
ماادري وش الخيرة فيه..

الرمادي:
هو صحيح زوجي سلمت دراهمه .. بس ماسلم راسه طوال الطريق
وانا أحن وأندب حظي ..

غريب الجواء :
لكن أيش فايدة بضايع الهرم المغرية.... راااحت علي ..

عجولي:
لو ضعت الجوال يجيبني من أخر الدنيا..

أبعاد:
صدق انك ذكية... وشلون " أفشش كفرات سيارة زوجي"
وأنا معه .. يعني بأنقهر معه أكيد..

آنسة مطنشة:
لا والله .. وش جاب " سامرة" للهرم..
بضاعة سامرة ماتجي ربع بضاعة الهرم..
لكن الحمد لله على كل حال

عشان يصير القهر قهرين لأن الدعوى خربانه

........

صدق قهررررر


بس ما انكتبت لك هالعربية

وعلى قولتك دايماً كنا نترك العربيات تحت ... و الهرم الآن ابشرك حطوا فيه مصعد تطلعين العربية معك
بس يمكنك ما انتبهتب له او انتي بفرع قديم .

وبالنسبة لاغراضك ... فبردي على قلبك
وروحي لمحــلات مبارك و خذي اللي تبين :d1:>>>> تراه مب بعيد عن بضاعة الهرم.

حسيت موقفك مثل اللي يكتب رد طـــــــويل ويوم يسوي ارسال ينقطع الاتصال وتطير الصفحة >> تحطيم:b6:

المــــرة الجـــاية
لما تسافرين للرياض زوري كــــارفور :c7:


أنسام

السلام عليكم00

اهلا اختي الكريمة00

تصدقين اني بنفس اليوم كنت بالمحل 00وشفتهم يسألون عن صاحب العربية وبعدين حطوها تحت المصعد0

يمكن تكون موجودة حتى الان من يدري0

اعتقد لو كانت العربية مع رجل لما تركها عند السلم وصعد0 يعني واحد صفر0

الله يخلفك خيرا منها ان شاء الله0