|
يالله يمديكم على شماسي دافنشي::..صور..::(1)
[align=center]السلام عليكم ورحمة الله وبركاتة
اهلين أعضاء كيف حالكم يالله حيهم وش أخباركم بشرونا عنكم !! طيبين ؟؟ المهم عندي كلمات تتحرج دائما في تفكيري وفي مخيلتي وعند نومي وأثناء سباتي وعند قيامي وقعودي وفي أحلامي وصيامي وإفطاري وسحوري ... هذه الكلمات هي تعبير عن مدى الشكر الجزيل للأخ الغالي العزيز والأستاذ المفندم القدير : سعادة المشرف الخبير(بريماكس) لأنه له الفضل الأول على قيامه الكريم بشرحه الفهيم على كيفية وضع إطار للصورة فقام بتوضيحها لي توضيحا مستوفياً بالشرح والصور في موضوع سبق وأن طرحته فجزاه الله كل خير وبارك الله فيه وسدد خطاه أينما حلل ووطئ فأنا أقول ياإستاذي الأفندم (بريماكس) شاهد موضوع تلميذك وعطنا فيه رائيك وتقبل تحياتي لك!! [line] نرجع للأعضاء أعزائي المشاهدين أيها الأخوة الحضور في كل مكان وزمان أنتم في (موضوعون) أنتم وقوده ^ ^ قضى التعبير خلاص انتهاء الموضوع لحظة خن أحاول مرتن ثانيه أخواني الأعضاء أحبائي الزوار كيف حالكم يالله حيكم تراكم في موضوعون أنتم نجومه ^ ^ ^ يالله بليالله طلعت هالجمله ماتلاحظون انه طوله بالترحيب والطهبله شكلكم مادريتو أني صرت (صقر المنتدى) علشان تسذا جايب الموضوع سبق صقري قصدي (صحفي) عن أذنكم خلووني أشكر الادرة لهذه التسمية (صقر المنتدى) أزجي الشكر الكبير لكل من سعى وساهم في تنشيط هذا المنتدى كل الشكر والتقدير لكم على جهودكم الحثيثه والملومسة لدعم الأعضاء وتقبلوا وافر السلام والتحية والأكرام [line] نجي لسالفة الموضوع .... وأخيراً طبعاً الكلام باللغة العربية الفصحى الخالصه والرجاء التقيد بها هذا سلمكم الله قمت ذات يومن من فراشي وقد كنت منجطلاً في الفراش فقمت من الفراش وألتفت يمينن ويسارن فطاحت عيناي على ذلك الموقف الذي جعلني أستدعي عدستي المتواضعة بسرعة مجلعده فقمت بنغز زر التشغيل ووجهت العدسه صوب ذلك المنظر الرهيب الذي جازلي جوزتن ماتجوز لأحد فهممت بالتصوير وقد كنت منهمكاً من التعب الشديد الذي أعياني والجهد الذي تطلب مني تشغيل الكاميراء فألتقطت صورة يالها من صورة تستحق الشكر والثناء لمحدثكم الكريم المتواضع وإن حصل جائزة عينيه لو حق البنزين طبعاً الكاميرا كنت حاطها بوضعية المايكرو ولأول مرة أعرف وش يعني وضعية المايكرو إليكم الصورة وهي عبارة عن طرف لسلة حلويات عندنا بالبيت حاطينه للضيوف بالمقلط>>>>كب العشاء http://www.9wrh.com/get.php?filename=1131529173.jpg [line] الصورة الثانية قمت ذات يومن في الصباح الباكر وقد كنت سهرانن من الليل الماضي فأعجبني الصباح الفاني ولحظات شروق الشمس ومع التأمل في مخلوقات الله لفت أنتباهي (مسّاحة) سيارتي الددسن الغمارتين 2003 كفرات خط ماشي 70 ألف>>> لاهـ يجي علم أعجبتني تلك المساحه بشده ونالت إعجابي بكثرة فقلت لنفسي لماذا لا أأخذ لها صوره فتفاجئت أن الصورة كانت بهذا المنظر المنصرم الحالي: http://www.9wrh.com/get.php?filename=1131529301.jpg [line] نفس اللحظة لفت أنتباهي علامة الددسن في الكبوت في ذلك الصباح المشرق والهواء العليل في الحوش القاحل وقد كان المنظر مايلي: http://www.9wrh.com/get.php?filename=1131530207.jpg [line] بعد أن قمت بجمع بعض الصور وقمت بتنزيلها على الجهاز من الغد اللي عقب بكرا كانت ذات يومن الكاميرا بحوزتي وبينما أنا أتنقل بها داخل أرجاء المنزل ألتفت يمينن ويسارن وجدت أن الفرن حقنا في بيتنا وفي مطبخنا (يشتعل) ... صرخت يا إلهي إلحق ماتلحق يالله يمديك تأخذ صورة قبل لايشوفك أحد وأنت تحيرف على الفرن قربت العدسه لحد قريب وبسرعة متناهيه ألتقطت هذه الصورة كعربون صداقة ووفاء لذلك الفرن الحميم الذي طالما نذر لنفسه لخدمتنا في تسخين القدور والاباريق والشواهي والمفاطيح والعزايم ... آآآآه ما أجمل الطبيعه!! إليكم الصورة: http://www.9wrh.com/get.php?filename=1131530359.jpg [line] وختامن [line] لايسعني في هذا المقام إلا الشكر لكل من سيحل ضيفاً على الموضوع ... وإن حصل لو كلمة شكراً ترا تكفي التعب ونتقبل النقد لأن حرية الرأي عندي فرررري ومع التحية[/align] |
السلام عليكم ورحمة الله وبركاته
أخي الشماسي اي موضوع تدخل فيه عدسة كميرتك فهو رائع ومتميز صراحه صياغتك للموضوع حمستني اشوف الصور لكن المشكله انها مو ظاهره لي بالموضوع :( ياليت لو تعيد تحميلهم مره ثانيه <<<<<<<<< وجه خجووووول هذا موقع تحميل للصور وبإنتظارك فصورك دائما رائعه :) http://www.9wrh.com/ |
شكرا لك ابو صالح ..
الحقيقة صور رائعة وخاصة صورة مساحة السيارة يعني التردد للصورة على الكبوت جعل لها شكل رائع وخاص واشكرك على حسن الانتقاء ودمتمـ |
اوووووووووه طلعت الصور اخيرااا :)
هذي الصور ولا بلاااش ماشاء الله عليك اخوي الشماسي مبدع :) تحياتي |
و عليكم السلام ورحمة الله و بركاته
. . . تلميذي الفاضل .. الشماسي :) .. . . . ما شاء الله عليك .. صور روعة .. و خاصة صورة (شعار نيسان) دمت برعاية الله .. . . و نحن بخدمة الرجال أمثالك .. و و الله أحرجتي بالمقدمة العريضة الطويلة .. :) . . و السلام عليكم ورحمة الله و بركاته . . . . . من خلف الشاشة بريماكس :) |
[align=center]هلابك ميدوو
فرحت يوم شفتك وضاق صدري وتكدر خاطري لأنك ماشفت الصور لكن فرحت مرتن ثانيه لأن الصور طلعت لك المهم عاد ياليت تكون نالت إعجابك يالحبيب تقبل تحياتي وشكرياتي هلا آلبي سلطانكو أشكرك يالذيب شكراً جزيلا وبارك الله فيك على مرورك هلا بالمعلم بريماكس كيف الحال وش دعوه تستاهل أكثر يالغالي تدري يوم انك تعلمني وشرحت لي بالصور تخيلت نفسي أني أبصير مبرمج بالفتوشب ما أقول إلا سلمك الله وشوكرن قدن جدن قدن ومع التحية[/align] |
ماشاء الله صور رووووووعه
واتفق مع بريماكس بان احلاهن علامة نيسان واذا كنت تتقبل النقد ..... برأيي ان صورة المساحة اقلهن لأنها مو واضحة مرة بس ماقلت لنا وش نوع كميرتك؟؟ علشان نستفيد الله يزيدك ابداع |
مبدع مبدع أخي الشماسي
تمتلك طاقات هائله وهوايتك تنمو بشكل جميل جداً أتمنى لك كل التوفيق صور أكثر من رائعه خصوصاً صورة الفرن ياسلاااااااااااااااااااااااااااااااااااااام تييع الكاميرا |
الجمر وشوله يابو صالح !!!
موضوع تحفه تشكر عليه تشاااااااو |
[align=center]لا أستطيع أن أترك هذا الموضوع الضخم ...
دون كلمة ... أو تعبير ... لله درك يا صقرنا .... أشكرك على عدستك المتألقة ... بانتظار جديدك ..[/align] |
[align=center]@الشيهـانة@
هلابك ومسهلابك يالغالي اله يحليك بالأيمان وطاعة الرحمن يارب مشكور على طرح نقدك يالغالي وليش ماأتقبل النقد ونوع الكاميرا يالغالي سوني p93 الله يجزاك بالخير الزعيم هلا والله وغلا بسعادة نائب المدير الله يسلمك مشكور على حسن الأطراء والكاميرا للبيع يالغالي بس عقب العيد!! تقبل تحياتي كرباج الجمر لزوم التدفيه في الشتاء المقبل (للتعمير) مشكور يالذيب على مرورك وحضورك تقبل تشاواتي د/ المعتصم ياخي أنت حلى المنتدى يالمعتصم تقبل تقديري واحترامي وشاكر لك مرورك ودعمك يامتألق وحياك الله وبياك ومع التحية[/align] |
ابو صا ا ا ا ا ا ا ا ا ا ا ا ا ا ا لح
لو أنا مكانك كان كتبت آخر شي (( قولوا ماشاء الله )) لأن الإبداع بجد يتلين إذا شافه ... والله بدون مجاملة صورة يخزي العين حولها .. صورت عين القز :) رهيبه وأنا قبل لا أقرا أطالع الصور .. أقول وشوا هذا .. من رهابت الصورة .. تطلعت بالشكل الجميل هذا .. خاصة إذا كانت الكاميرا مع واحد فنان .. ننتظر بالأكيد صور حلوة .. |
السلام عليكم ورحمة الله وبركاته
أخي الغالي صقر المنتدى http://images.google.com.sa/images?q....com/farse.jpg كل عام وأنت بخير موضوع جميل ورائع والأروع الصور الجميله وااااصل إبداعاتك |
ههههههههههههههههههههههههههههههه
بصراحة فضيع يحتار الواحد هو بالسواليف والا الجرافيكس المساحه والنار احلا شي عندي تابع التصوير <<كيفت على سواليفاتك والله يعطي برموكس العافيه اللي اكتشف لنا هالموهبه |
إبداع في مكان آخر
أينما تحل نجد التميز اخي ابوصالح طريق جديد وبداية قوية تقبل تحياتي ,,, |
| الساعة الآن 12:18 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة