منتدى بريدة - من يعرف طريقة شرائح البطاطا .المشويه ....؟؟

منتدى بريدة (https://www.buraydh.com/forum/index.php)

- مطبخ بريده (https://www.buraydh.com/forum/forumdisplay.php?f=62)

- - من يعرف طريقة شرائح البطاطا .المشويه ....؟؟ (https://www.buraydh.com/forum/showthread.php?t=62770)

جناان

12-09-05 09:13 pm

من يعرف طريقة شرائح البطاطا .المشويه ....؟؟

:x2:

اخاف انكم داخلييين تبون الطريقه ....لكن انا مثلكم ادورها ...ههههه

فمن ... يقول انا لها ...وياتي لنا بها...>>>>>>>>>> شحاذه مسجوعه....ههه

لاني السرااااحه ذقتها .. من بتزاء هت .. ..لذيييييييييييييذه ..

يالله عاااااااد ورونا....

يالله انك ترزق اللي يجيبها .... اللي في باله ..

شقرديه

13-09-05 01:02 am

اضن والعلم عند الله

انها تتبل وتغمس بدقيق وتقلى همين تشوى

عموما هي تباع جاهزه بأكياس زي البطاطس المقلي وحلقات البصل

تلقينهم بفريزر بنده اللي بدوار المحاكم

محبتي:)

قصمنجيه

14-09-05 02:46 am

يا عمر قصمنجيه أنتي...

بقول لك على شغله....فيه تتبيله خاصة لسائر المشويات
لا يخلا منها مطبخك....
وإذا تبغين من أيدك لا عدمناهن... <<<<وحده جوعاانه
دقيق..(الفاخر) اخلطي معه ملح وبهارات وفلفل اسود وثوم مدقوق
وإذا بغيتي فلفل حار...ونفس ما قالت ( شقرديه )غمسيه في بيض ثم الخلطة
............
تطلع مش ولابد......

جناان

15-09-05 02:40 am

تشكرات شقرديه ....>>>>>>>>> من اليوم ابجربها

يحبيلك ياقصمنجيه ومشكوره على النصائح ..

اجل اتعب وازين وتطلعععععععععععع مش ولابد ..

اخذها من قصيرها ....واشتريها جاااااااااااااااهزه ..

ههههههههههههههههههه

أم دحومي

17-09-05 10:18 pm

طريقه حلوه لشوي البطاطس
تسلم الأيادي هم هم هم هم :d7::d7: رمضان كريم

أنسام

19-09-05 11:34 am

البطاطس موجود جاهز ومتبل ومثلج في السوبرماركت
مثل ما تفضلت الاخوات .

واضيف لكِ

هناك مشواه خاصة اناء يوضع فيه ماء >>> ثم فوقة شبك شوي .... تحطي عليه البطاطس الجاهز وتغطية وتتركيه على النار وينشوي .

سويتها وطلع رااااااااائع .

أنسام

جناان

19-09-05 07:55 pm

حبيبتي انسام ..

وين الاقي هذي الشوايه ..وشلون شكلها ....وكيف استخدمها....

ياليت تردي بدررررررررررررررررري....

ويسلموا ...

أنسام

29-09-05 11:44 pm

هذي ياستي موجودة بمحلات الاواني او محلات الرحلات

واشكالها تختلف

بس تدرين شلون ...!؟

بصور لك شوايتي وانزل لك صورتها هنا ان شاء الله

انتظريني .

أنسام

أنسام

30-09-05 01:15 pm

.....

وهذي الصـــورة ...

http://www.alasad.net/upload/files/452/hga,hdm.jpg

زي ما انتي شايفة ... تتكون من اربع طبقات ... والفتحة اللي فيها تحطينها على عين البوتجاز
وآخر طبقة تحطي فيها موية ... والطبقة الثانية تحطي فيها البطاطس .

طبعا لها احجام ومقاسات مختلفة ..

وبعد تنفع تحطينها على الدافور لو طلعتوا رحلة :c7:

وينفع تغيري تحطي همبرجر او اوصال فيها ... او اذا بغيتي خضار .... جربيها .

وآآآآسفة على التأخير .

أنسام

أنسام

30-09-05 01:20 pm

>>>>>>> كأني اشوف الصورة ما طلعت ..!!؟

على العموم هذا رابط الصورة .

http://www.alasad.net/upload/files/452/hga,hdm.jpg

...

جناان

30-09-05 05:46 pm

مشكوووووره انسام ...الله يحرم هالديات على الناااااار ..

تعبناكي معااانا ...

أنسام

05-10-05 07:34 am

.........

آآمين

ويبارك فيك ويخليك يارب

ولو تعبك راااحة يا جنان .

أنسام

ثامر الناصر

11-10-05 07:03 am

مشكورة اختي ..

ماشاء الله البنات ماقصرن على طوووول

ودمتمـ

DeWDrOp

11-10-05 08:23 am

اقول والله ان طعمها يطلع يع حقة البيت

نشتري الاكياس ونخبص

بس ماتضبط

ماينفع الا الطبيعي

اشتريه من كرسبي اريح لك

بندر الحمر

11-10-05 06:23 pm

السلام عليكم ورحمة الله وبركاته

اتوقع بخبرتي في مجال الطبخ أنها كالاتي

نقشر البطاطس بعدين نقطعها لشرائح طويلة وممكن نضيف شرائح البصل والفليفلة عليها و بعدين نتبلها بجميع انواع التوابل ولاننسى زيت الزيتون والخل

ونضعها بقصدير ونسكر اطرافه ونشويها بالفرن

جربيها وادعيلي

الساعة الآن 09:34 pm.