راية الحق وما سوّى هشام
 

[align=center]

القصيده منقوله

كما هي فاقبلوها

ودمتم





يا وطن مليون مبروك مـا سـوّى هشـام

جعل مثله عقب رقصه على المسرح يزول

رفرفي يا راية الحق فـي شـفّ الغـرام

راحوا اللي يرفعونك على ظهور الخيـول

لا اله الا انت يارب يـا منشـي الغمـام

لا تعاقبنـا علـى فعـل غاويـن العقـول

في ضميـري ونـةٍ مـا يعبرهـا كـلام

كيف راية دين الاسـلام ترفعهـا خبـول

وليه تحضنها بنيّـة هـوى مـدري مـدام

علمونـا ليـه مـا كـنّ فالدنيـا فحـول

من دعم ذولا حرام ان مـا فيـه احتـرام

والسكوت اكبر شهاده وتصريـح وقبـول

فان سكتنا كارثـه وان رضيناهـا حـرام

غير دام الله وكيلـي بقـول اللـي بقـول

يا ولي العهـد ياتـاج راسـي يالحسـام

كل ما جت معضله عنـد عبـدالله حلـول

يلطم المخطي ويشبك على خشمـه لجـام

ويتمثل للشـرف قـول وافكـار وفعـول

سيدي صقرٍ متـى حـام حـوّل ياحمـام

ما يجوز من الظفر لو يحول اللي يحـول

الاسد شبل الاسد والامـام اخـو الامـام

يربط النّيه مـع القـول ويقـول ويطـول

سيدى شكـواي ماهـي حماقـه واتهـام

وانت ما حطّيت للحـق ممنـوع الدخـول

ما حديتونا لصجّـه ومشـروع اعتصـام

كل صوتٍ لج بالصدق مضمون الوصـول

وما غبنّـا غيـر ثنتيـن معروفـه تمـام

تختصر في قفلة القاف ما نبغـى تطـول

التزمت يوم جـت بـه خفافيـش الظـلام

وانفتاح عيـال الامـه لتخريـب العقـول
[/align]

الله يحمي بلدنا من كل سوء
اتمنى لك التوفيق

العزيز المتنبي.
.
تسلم على هذا النقل للقصيدة المعبره..
.
وهؤلاء الخشاش لايستحقون حتى ذكر أسمائهم .
.
لك خالص التحية