وش تعشيتو اليوم؟؟
 

السلام عليكم ورحمه الله وبركاته
 

من ناحيتي خبز صامولي مع جبن سائل واحطتها برعاصة التست :D مع شاهي .
هذا أحسن شي عندي ;)

مشكورة ياشقرقر على هالمشاركة ... ... واصلي إبداعك ،

مع خالص التحية:
د.ارجونــــــــان;)

يا حليلك


والله مريح جدا عشاك

شكلنا بنعزمك يوم على العشى في منتدى المرأة

تحياتي لك

.
 

:D وش تبي تحطين لي ههههههههه
<<==== يحس انه تبي تجية سندوتشة بيض مع طماط مع عصير منقا :D

<<<<< يتعشى سندويتشات سليق مع حليب السعوديه .


امزح لاتصدقوووووون .

العشاء طبعا لازم يكووون خفيف .

سندويتشات جبن سائل او فطائر لبنه او فول سوداني مع شاهي واحيانا ديو او حمضيات حسب المتوفر .

ههههههههههه

موضوع حلو

بالنسبة لي وجبة وحدة فقط باليوم ....طبعا طبخة (دسم)
يا غدا أو عشاء
واتقابل مع الأكل من بكرا

تحياتي

انا احب عشا على طريقة اختي

خوذوا طريقتها ...



بصل + ثوم مقطع شرائح طويله ورفيعه


تقلب يقليل من الزيت


ثم تضاف خضار ( زهره - كرنب - فلفل رومي - باذنجان - كوسه - بطاطا - جزر او اي خضار متوفره لديك ) مقطعه شرائح رفيعه


مع اضافه بهارات + ملح وتركها على نار هادئه حتى تنضج مع تغطيه القدر


ميزتها سريعه النضج

أنا تقريباً بنسبه 99.999 % عشاي خبز مع بيض وجبن
وشاهي زنجبيل >>> صيف وإلا شتاء كله واحد



تحياتي

الوحيـد

والله بالنسبه لي ابقولكم وش اكل من يوم اقوم لين انام

اولا الفطور/ قهوة وتمر(شغل شيبان) طبعا هذا بالجامعه ......

ثانيا الغداء/ للاسف انام بدون غداء

ثالثا العشاء/ احسن عشاء عندي اذا رحت لعنيزه (مطعم الخيام ) وطلبت مشويات ..اما باقي الايام خبز ولا رز ولا .....

اندومي خضار

تشااااااااااو

8
8
8
8
سيم سيم بس فرق بالنهكه الدجاج بالكاري

السلام عليكم ورحمة الله وبركاته
 

انا بالنسبه لي ما تعشيت لأني من الناس اللي لا أؤيد العشاء لان العشاء بعده نوم ومشكله تتعشى وتنام


شكرا لك أختي شقرديه

بصراحه سؤال وجيه جداً

وش نسوي عشاء؟؟؟

خصوصاً أذا كان أهل البيت من النوع اللي يحب التغيير الدائم

عن نفسي وأهلي :
مره نتعشى نواشف (( جبن ومربى وزيتون ومكدوس ومخلل وقشطه وزبادي ))
ومرة نتعشى شاورما (( بس انا اسويها ))
ومرة نتعشى مطبق (( بس انا اسويه ))
واذا كنا ما تغدينا نتعشى (( الغداء ))

إذا كنتٍ تسألين عن بعض الوصفات اللي تناسب العشاء تعالي اعلمك


احرصي ان يحوي فريزلك على ((صدور دجاج مخليه من العظم )) ذوبيها وجريحيها واضربيها بمضرب الستيك وتبليها ثم غمسيها في بيض ومن ثم في طحين ابيض مملح
واقليها في الزيت (( يسمونها بفتيك دجاج ))
وقدمي معها خضار سوتيه ((وهي عباره عن مجموعة خضار مشوحه مع زبده ومطبوخه على البخار ((لا تاخذ وقتاً طويلاً

أيضاً بأمكانك عمل البطاطا المهروسه
وهي عباره عن (( أربع حبات بطاطس مغليه بقشرها في الماء إلى أن تنضج ثم نقشرها ونهرسها مع علبة قشطة بوك او التاج ونصف اصبع زبده مذوب ورشة ملح يخلط حتى يتجانس ويصبح لونه أبيض ويؤكل حاراً مع شريحة ستيك او قطعة بفتيك))


أو احرصي على ان تشتري نصف كيلوا ((مرتديلا دجاج او ديك رومي شرائح )) اذا رحتي إلى العثيم
بذلك تصنعين سندوتشات الدجاج بالمايونيز والخس او سندوتشات الديك الرومي بالمايونيز والخس مثل سندوتشات كودو وأحسن من سندوتشات بيت القهوه العالميه
وتقدم مع بطاطا مقليه

وبإمكانك ان تصنعي كلوب ساندوتش بسهوله في المنزل طالما عندك تونه وتوست وبيض
تقدمينها مع البطاطا المقليه ايضاً

اذا كان اهل البيت جائعون جداً ممكن تسوين لهم صينيه في الفرن
والصواني اشكال أنواع
فيه صينية السمك بالخضار
او صينية الدجاج بالخضار
او معكرونة بالباشاميل
أو خضار بالباشاميل
أو صينية (( المعذبه )) واسألي عنها بنت الشرقيه فهي تخصصها


أهم شيء ان طبق السلطه لا زم يكون دائماً في رأس السفره
واذا تكاسلتي عن صنع السلطه قدميها كما هي (( يقرقشها الكبير قبل الصغير ))
يعني خيار جزر وخس وجرجير وبقدونس بلا تقطيع ))

والله عندي اطباق كثيره بس أخاف اطول عليكم

لي عوده


تحياتي
خزامى

قروي فاهم نبي اكله سبق وذقتها واعجبتك

سندوتشات جبن وشاهي تسوي طاش ما طاش في بطن

تحياتي

ابو بسام اكيد عزوبي اكثر العزاب نفس النظام

تحياتي

خالد كم مره قلنا اعزم اختك على المنتدى رهيبه وطباخه بعد

شكرا على الطبخة

تحياتي

مشكورة شقرديه على هالسؤال
 

وش رايكم بمكرونه بالباشميل . . خفيف ودسم

وبعد الاكل بساعتين شوي حلا

ولا تحتارين ياختي شقرديه