|
هذا موضوع مهم ياليت ألاقي "الحل او جواب "
السلام عليكم ورحمة الله وبركاته
اعتذر لأنه موضوع ثقيل على الصباح :) راح ادخل بالموضوع ...... طبعا كلنا نعرف انه بالعاده لما تخلص البنت الجامعه تتزوج طبعا اما بعد ثلاث سنين او كثر او اقل على حسب . لكن بعض الفتيات لهن حاله خاصه او حظ سبحان الله مو مثل الأغلبيه مثلا ..اعرف وحده ما تقدم لها اي خاطب إلا لما صار عمرها 28سنه وياليت انهم خطاب مثل بقية البنات والخلق ..أما متزوج وله اولاد وبنات او كبير في السن بحدود 50/ 55 وهي مسكينه تضل صابره لين وصلت 34سنه وتزوج من واحد عمره 55سنه معتقده ان هذا هو الزوج المناسب لأنه على حسب كلامه مطلق ولا عنده اولاد . الطامه الكبرى صار مزواج يتزوج ويطلق وياليت على كذا قال فيها كلام غير صحيح يعني ينمها عند اهلها ويكذب قدامها يعني يزرع الفتن بينها وبين اهلها وبالأخير تطلقت لكن الحمدالله ربي رحمها مالها اولاد منه. والحين يتقدم لها نفس العينه الأولى ويمكن اقل شوي بحكم انها مطلقه وكبيره بسن ..مسكينه قسم بالله .. ناهيكم عن نظرة المجتمع لها قبل وبعد الطلاق واهلها الي محتارين فيها. ................................................ سؤالي هنا ....وهو الأهم .... وش السبب ألي يخلي اغلبية البنات يتزوجون بطريقه سهههههله وعادي ويكون شاب... مو شايب او متزوج وعنده ذر ماشاء الله ويكون سن زواجها حلو وكل شي ماشاءالله تمام التمام . وبعض البنات مسيكينات . مع انهن مابهن اي ميزه عن بقية البنات وكل ولها شخصيتها وميولها وووالخ والبنت الي ذكرت قد تفوق ببعض الميزات عن الي تزوجوا . ونرجع لنفس السؤال . يعني هل السبب من الأهل اهل البنت هم السبب في تأخر زواجها؟ ام السبب من الخطابات يمكن بعضهن حسودات على بعض البنات ؟ الصراحه انا احترت مادري وش السبب ..ولا اعرف وش الحل للبنات ذولي .. وبالأخير تضحي بحياتها وتتزوج واحد كبير في السن وعنده اولاد لأنها خلاص راح العمر مابقى من العمر شي . ياليت الاقي جواب او حل لهذه الفئة المضطهده والمظلومه بمجتمعنا ... اللهم ارحمنا برحمتك ياارحم الراحمين . |
كله مقدر ومكتوب والوحده ماتاخذ غير نصيبه...
|
لأن المسألة كلها قسمة ونصيب
المفروض ماتغتر الوحدة بجمالها ولا تحقر نفسها اللي مش جميلة او او عادية جدا انا اعرف ملكات جمال وشخصياتهن روعة ومع ذلك تطلقن مرتين ثلاث وتلاقين وحدة ماراح اقول شينة وتبارك الرحمن بعيونه ملكة جمال وسفريات ودلع نفسها نفس الخطبة الحظ والتوفيق يلعب دووور لأن ربي قسم الأرزاق بين عباده وأخذ وأعطى فتلك جميلة ومطلقة .. وتلك موضفة براتب عالي ومريضة وتلك قبيحة وموفقة بزواحها وهناك جميلة وموفقة أيضا ووو الخ |
اقتباس:
لكن اكيد في سبب فعلي وملموس لأنه كل شي له سبب مثال اعرف وحده تزوجوا كل بناته بعمر يمكن 24او 20 والسبب لأن امهم وراهم . إذن هذا سبب من الاسباب طلب الرزق والسعي لمصلحة بناتها بعكس الأم الي غاسله ايدها ومعتمده على الحظ ياتطلع الي تطلع عليه . |
اقتباس:
مو دايم الي تأخروا عن الزواج و تطلقوا فيهن صفات قبيحه مثل الغرور .. او انهن ملكات جمال لا طبعا يكونن جمال وسط ..ومو دايم العيب بالبنت ترا يكون العيب من المحيط الي هي عايشه فيه .. والطلاق يحصل بعدم التكافؤ . |
اقتباس:
خاصة في ضل مجتمع لا يعرف شي عنها ولا تعرف شي عنه إلا مايملى عليهم أثناء فترة الخطوبة |
شي مكتوب من رب العالمين
|
وعليكم السلام ورحمة الله وبركاته
أولا ولابد علينا أن نؤمن بأن كل شيء بقضاء الله وقدره. ويرجع السبب أيضا للاستعجال وعدم التريث لأن البعض فاهم الحياة الزوجية إنه زوج وبيكفل حاله ومايفكرون بعمق. والله يرزق أبناء وبنات المسلمين بالأزواج الصالحين قريري العين. |
اقتباس:
اقول سن البنت المناسب للزواج هوا الطعش من عمرها ولكن بهذا السن ترفض الزواج وتبي تكمل دراسة ... الخ وعندما تصحى وهي فوق ال 23 يبداء القلق وكثير منهن لاتفكر بالزواج بعد الجامعة بل تفكر بالوظيفة اول ثم اذا توظفت وطاح الحطب فكرت بالزواج ولكن بعد مافات الشي الكثير ثم اننا في هذا الوقت اصبحت البنت تبحث عن وسيم وموظف ويحب السفر ... الخ ونادر من تقول اريد رجل يخاف الله والباقي لايهم لذلك ظهرت العنوسة بشكل صارخ في كثير من المجتمعات واللذي يؤدي الى ان العانس تقبل بأي شخص حتى انني اذكر طبيبة كتبت خوذو شهادتي ووظيفتي واعطوني طفل يقول لي " ماما " بالاضافة الى ان الناس ابتعدو عن الاسلام وتوجيهاته فلا عيب ان الاب يخطب لابنته الرجل الكفؤ اذا وجد فيه اهم مقومات الحياة وهو الدين والخلق وسيأتي يوم لاتجد من هي بسن الطعش عريس واكيد ان الاب والام لهم دور كبير من اهمها تثقيف البنت من الصغر على البحث عن الرجل اللذي يتحمل المسئولية وليس الانشغال بلاعب كورة او فنان او مطرب او منشد وعندما يذهب عمرها سدى تصحى وقد فات عمرها اما اللي يقول قسمة ونصيب والله كاتبه فأنا ضد هذه المقولة لان الله سبحانه لايكتب ضرر على اي انسان بل سبحانه جعل الانسان مخيّر وما كتبه الله عليه انما هوا بسابق علمه جل في علاه وليس مسار وضعه له كم من جميلة لم تتزوج او تطلقت عدة مرات لان فيها نزعه غرور وكم من مستورة عاشت بأفضل حياة فالمسئلة كلها راجعه للشخص نفسه ولا نرمي فشلنا على القدر فقد اعطانا نبي الاسلام منهج متكامل ورأينا كيف ان الصحابة يعرضون بناتهم على بعضهم ورأينا كم شخص تزوج بخاتم او بحفظ سورة من القران بعكس طلبات هذا الوقت واللتي لايستطيع شاب في بدايه مشاورة تلبيتها من بيت ومهر عالي واثاث وسفر خارج البلد وغيرها عندي كلام كثير ولكن تعبت من الكتابة والسلام ختام |
أرى أن كل الأسباب تحضر في حالات عدم التوفيق بالزواج ومن أهمها : @ ثبت شرعاً أن الابتلاء يتجهة أكثر للأمثل من عباد الله . @ العين . @ عيب شخصي أو أسري كبير ( ينفر ) والفتاة لا تدري بأثره القوي على الآخرين ، أو لا تدري به أصلاً . @ من خلال السنن الكونية ورصد في واقع الحياة أن الله لا يجري أمر إلا يوجد أسبابه . @ عقوبة لذنب ( كبيرة ) . @ يكون حظ العبد من البلاء في الحياة . @ ........................ و لك شخصياً أخمن أن معاييرك القوية و تشرطاتك ( مايعجبك أي شئ ) كانت أحد أهم الأسباب |
اقتباس:
|
ا
اقتباس:
مافي مجال للتفكير بعمق لأننا في الحياة الواقعيه لانعرف عن الشخص المتقدم للزواج اي شي إلا ان نسأل من حوله وغالبا اجاباتهم كذب . |
اقتباس:
مو كل البنات مغرورات وملكات جمال بالعكس اخلاق لكن سبحان الله ماوفقن يمكن ازواجهن بالجنه . على كذا اجل اي بنت ماتزوجت او تطلقت نقول عنها مغروره او تشرط .. لا المسأله مو كذا ..المساله اوسع و اعمق بكثييير. |
اقتباس:
رأيك مقنع نوعا ما...لكن تخمينك ليس في محله .:) |
اقتباس:
أعتذرررررررررررر إليك |
| الساعة الآن 05:17 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة